Арча районының Сәнгать мәктәбендә "Тәрбияче - 2017" конкурсы булды. Конкурста тәрбиячебез Муртазина Рәмилә Илдаровна катнашты.Ул "Иң иҗади тәрбияче" номинациясендә җиңүче булды. Аңа алдагы хезмәтендә зур уңышлар,сәламәтлек телибез. Рәмилә Илдаровнага ярдәм иткән,чыгышта актив катнашкан тәрбиячеләребезгә, балаларга рәхмәтебезне белдерәбез.Уңышлар  телибез!

Бакчабызда "Тәрбияче - 2017" конкурсына әзерлек бара. Балалар бик теләп, чын күңелдән әзерләнә. Рәмилә Илдаровнаның җиңүгә ирешүен телиләр.Тәрбиячеләр дә читтә калмады.Һәрбер тәрбияче кулыннан килгән кадәр ярдәм итәргә тырышты.

Беренче кечкенәләр төркеме балалары режим моментларында өстәл уеннары уйнарга яраталар. Алар уенчыкларны саклап, ватмыйча уйнарга күнегәләр. Шулай ук уй-фикерләре үсә,кызыксынучанлык арта. Нинди генә уенчыклар юк монда. Һәр уенчык үз яшенә туры китереп алынган.

Иң кечкенәләрнең  икенче төркемендә физик культура белем бирү эшчәнлеге бара. Балалар бәләкәй кулларына туплар тотып уйныйлар. Кечкенә генә булсалар да, күнегүләрне  бик яратып башкаралар. Уеннарга теләп катнашалар.

Искечә Яңа елны каршы алу 13 нче гыйнварда билгеләп үтелә. Без дә бу бәйрәмне күңелле итеп үткәрдек. Яңа ел җырлары бакчабызда яңгырап торды. Балаларның күңеле шат, күтәренке булды. Яңа еллар бары шатлык, сәламәтлек, уңышлар алып килсен.

Беренче кечкенәләр төркеме балалары бик кызыксынучан.Алар бик теләп яңалыклар белән танышып, яңадан яңа белемнәрне туплап баралар.Йорт хайваннары белән дә таныш алар. Һәр йорт хайваны турында, бигрәк тә нәрсә белән туенулары, кешелеккә китергән файдалары турында сорауларга җавап бирәләр. Уңышлар аларга!

Яңа ел бәйрәме уңаеннан бакчабызда рәсем һәм кул эшләре конкурсы оештырылды.Һәр төркем балалары һәм әти-әниләр бик теләп, актив катнаштылар. Бертуган Гилазовлар кар бабай ясаганнар. Кар бабайлар бәйрәм барышында чыршы янында төп кунаклар булып тордылар. Зурлар төркеменнән Гилазов Ильяс һәм икенче кечкенәләр төркеменнән Гилазова Илинә конкурсның җиңүчеләре булдылар. Әти-әниләргә, балаларга рәхмәтебезне белдерәбез. Яңа еллар белән!

Кышкы рәсем һәм кул эшләре күргәзмәсендә уртанчылар төркемендә тәрбияләнүче Хамидуллина Алинә, Муртазина Ильвина җиңүчеләр дип билгеләнде. Хабибуллина Ралиянең зур фантазия белән эшләнгән Кыш бабай капчыгы бигрәк тә кызыклы булды. Күчтәнәчләр белән тулган бу капчык балаларга аеруча ошады. Рәхмәт әти-әниләргә һәм балаларга. Яңа ел тагын да күбрәк фантазияләр алып килсен. Әтәч елы игелекле ел булсын.

Мәктәп хәзерлек төркеменнән Садыкова Мәрьям кышкы рәсем күргәзмәсендә җиңү яулады. Аның рәсемен бик матур дип таптык. Оста куллы Мәрьямне җиңүе белән тәбрик итәбез. Уңышлар телибез. Яңа елда яңа уңышлар.

Беренче кечкенәләр төркеме балалары кечкенә генә булсалар да, Яңа ел бәйрәменә бик теләп әзерләнделәр.Бүлмәләрен бик матур итеп бизәделәр,шигырьләр, җырлар өйрәнделәр. Бәйрәмнәре бик күңелле үтте. Кыш бабайга үзләренең осталыкларын күрсәттеләр.Рәхмәт әти-әниләр һәм балалар. Яңа ел сезгә зур уңышлар алып килсен.