Мәктәпкә хәзерлек төркеме балалары буш вакытларын гел файдалы үткәрәләр. Чыгарылыш бәйрәменә җырлар, шигырьләр,биюләр өйрәнәләр. Балалар үзләрендә  җавапчылык тоеп, бик теләп өйрәнәләр. Музыка җитәкчесе Рәмзия Гильмулловна, тәрбиячеләр Гүзәл Муллахметовна, Рәмилә Ильдаровна зур сабырлык белән балаларны бәйрәмгә әзерлиләр.

Мәктәпкә хәзерлек төркемендә "Әдәп-әхлак кагыйдәләре" темасы астында  ата-аналар җыелышы булып узды. Җыелышта мәктәпкә хәзерлек төркеме балалары үтәргә тиешле әдәп-әхлак кагыйдәләре турында тәрбияче Гүзәл Муллахметовна  чыгыш ясады. Җыелышта чыгарылыш бәйрәменә әзерлек  турында сүз алып барылды. Җаваплы кешеләр әти-әниләр арасыннан да билгеләнде. Янгын, террорчылык, су ташу вакытында куркынычсызлык кагыйдәләре белән әти-әниләр таныштырылды, куллар куйдырылды.Экология елы булу уңаеннан , тирә-якның чисталыгын саклау айлыгы игълан ителүе дә әти-әниләргә җиткерелде.  

Язгы чорда чисталык айлыгы игълан ителде. Авылыбызы чиста тоту -  безнең бурыч. Шимбә көнне бакчабызның әйләнә-тирәсендә кар тараттык.

Режим моментларында  физик культура залы шау-гөр килеп тора. Балалар хәрәкәтле уеннар уйныйлар. Зурлар төркеме балалары аеруча хәрәкәтчән. Хәрәкәттә бәрәкәт,  дип юкка әйтмәгән шул халкыбыз.

Икенче кечкенәләр һәм уртнчылар төркеме физик культура залында күнегүләр эшлиләр. Тәрбиячеләре Рилә Рәисовна аларны сәламәт яшәү рәвешенә өйрәтә. Сәламәтлекнең кеше өчен иң мөһим нәрсә булуын балаларга гел төшендереп тора.

Бүген мәктәпкә хәзерлек төркеме балалары белән очрашуга Яңа Кенәр  янгын сүндерү бүлеге җитәкчесе Ахметов Х.Х. килде.  Ул балаларга бер кечкенә генә шырпының никадәр зыян китерүен, күп кенә кешеләрнең, кечкенә балаларның гомерләрен алып китүен сөйләде. Янгыннан саклану кагыйдәләрен аңлатты. Бергәләп янгынга каршы көрәшергә чакырды.

Балаларга юл йөрү кагыйдәләре гел искәртелеп тора. Тәрбиячеләр режим моментларында гел куркынычсызлык кагыйдәләрен аңлатып торалар. Зурлар төркеме балалары төркемендә юл йөрү кагыйдәләрен өйрәнү почмагы булдырылды. Балалар бу почмакта уйныйлар һәм үзләренә тиешле кагыйдәләрне исләрендә калдыралар. 

Террорчылык буенча әти-әниләр белән әңгәмәләр,инструктажлар үткәрелде. Шулай ук теракт куркынычы янаган очракта үз-үзеңне тоту кагыйдәләре дә аңлатылды. Һәр кеше игьтибарлы сак булсын иде.

Озакламый язгы ташулар башланыр. Су буйларына, елга ярларына якын бармаска, бозга кермәскә кирәклеге балаларга, әти-әниләргә аңлатылды. Инструктажга куллар куйдырылды. Әти-әниләр, балалар, сак булыгыз!

Зурлар төркеме балалары янгын куркынычсызлыгы кагыйдәләрен бик тырышып үзләштерәләр. Төркемдә булдырылган янгын куркынычсызлыгы почмагында гел әңгәмәләр үткәрелә. Балалар өчен бу почмакта буяу китапчыклары да бар. Алар бу китапчыкларны буяп җыеп баралар. Аларда янгынның зур афәтләр китерүе сурәтләнгән.