Ел саен 1 нче апрель - Халыкара кошлар көне, дип билгеләп үтелә. Кошларга карата мәхәббәт уяту максатыннан әңгәмәләр, төрле чаралар үткәрәбез.Әтиләр ярдәме белән сыерчык оялары ясап алып килделәр, канатлы дусларыбыз турында балаларыбыз бик күп мәгълүматлар белделәр. Балаларның нәни  күңелләренә мәрхәмәтлелек орлыклары салынды.

Бүген Арча шәһәренең 5 нче номерлы балалар бакчасында районыбызның олы хөрмәткә ия ветераннары,балалар бакчаларының өлкән тәрбиячеләре кунакта булды. Татар халкының милли гореф-гадәтләрен, йолаларын искә алу максатыннаноештырылган бу бәйрәм зур әзерлек белән үтте. Кыскасы өч буын кешеләре очрашып, милли байлыгыбыз булган йола уеннарыбызның милли тәрбия бирүдә нинди зур йогынты ясавына тагын бер кат ышандык

Бүген Арча шәһәрендә "Жемчужинки Поволжья" конкурсы булды. Безнеңзурлар төркемендә тәрбияләнүче  балаларыбыз бу конкурста "Рус халык биюе номинациясе"ндә беренче урынга лаек булдылар. Җитәкчеләре Рәмзия Гилмулловна.

Безнең балалар бакчасы тәрбиячесе  Мухаметгалиева Фәридә Робертовна "Игра -дело серьезное район конкурсында катнашып, икенче дәрәҗә  дипломга  лаек булды. Фәридә Робертовнаны чын күңелдән котлыйбыз. Аңа киләчәк эшендә зур уңышлар телибез.

Бүген Арча муниципаль районы балалар бакчаларының прфсоюз членнары арасында зона буенча волейбол ярышлары булып узды. Бу ярышта балалар бакчаларыннан 8 команда катнашты. Ярыш җанлы һәм оешкан төстә булды. Яхшы уеннары өчен коллегаларыбызга рәхмәт.

Безнең бакчабызда Нәүрүз бәйрәме булып узды. Балалар көн белән төннең тигезләшкәнен билгеләп үтә торган  бу бәйрәмдә шигырьләр сөйләделәр,җырладылар, биеделәр. Кыскасы, язны сөенеп каршы алдылар. Бәйрәм уеннар,сынамышлар, табышмаклар белән үрелеп барды.

Уртанчылар төркеме балалары табышмакларны бик яраталар. Бик игътибар белән тыңлап. төгәл җавапларын әйтәләр. Табышмакларга җавап бирү өчен бик тапкыр, зирәк булырга кирәк. Табышмаклар балаларның  фикерләү сәләтен үстерә,

Икенче кечкенәләр төркемендә туган көннәрне бик матур итеп билгеләп үтәләр. Менә бүген дә Айзирәнең туган көне белән котлап җырлар җырлыйлар, бииләр, шигырьләр сөйлиләр, матур теләкләрен җиткерәләр. Бер-береңә хөрмәт, әдәп-әхлак кагыйдәләре  кечкенәдән башлана да инде.

Беренче кечкенәләр төркеме балалары режим моментларында  УМК уеннарын аеруча яратып уйныйлар. Тәрбиячеләре Гөлнара Рауфовна балаларны  маскалар киеп, рольгә керә белергә күнектерә. Мондый уеннар балалар өчен бик кызыклы.

Мәктәп хәзерлек төркеме балалары курчак театры белән әниләр күңелен тиз яулап алдылар. Һәр бала рольгә керә белде. Керпе баласының әнисен котлавы барсына да ошады. Балалар да керпедән калышмадылар, үзләре ясаган чәчәк бәйләмен әниләренә бүләк иттеләр. Шигырьләр, җырлар,  төрле биюләр, кызыклы уеннар чиратлашып барды.  Әниләр дә читтә калмады: балык та тоттылар, ярмалар да чүпләделәр.Карлсонның кереп бүләкләр биреп китүе бигрәк тә куанычлы булды. Бәйрәм сюрпризларсыз булмый инде ул. Матур бәйрәмегез өчен рәхмәт сезгә балалар! Бәйрәм белән, әниләр, кызлар!