Уртанчылар төркеме балалары үзләренең  кисеп ябыштыруга осталыкларын күрсәттеләр. Тәрбиячеләре Л.Н. Фазылзянова кайчы белән сак эш итәргә, төгәл эшләргә өйрәтә аларны. Балалар күңел биреп, тырышып эшлиләр.

Икенче кечкенәләр төркеме балалары рәсем белем бирү эшчәнлегендә.Тәрбиячеләре Р.Р.Хадеева аларны төсләрне танып, матур итеп түгәрәк ясарга күнектерә.Краска белән рәсем ясау бик кызыклы һәм мавыктыргыч. Кечкенәдән эшкә күнеккән куллар киләчәктә дә каушап калмас.

Зурлар төркеме балалары сәламәтлек турында сөйләштеләр. Сәламәтлекне кечкенәдән сакларга, режим белән яшәргә кирәклеген тәрбиячеләре Л.Ф. Хаҗиева гел искәртеп тора. Сәламәтлекнең беренче баскычы саф һава һәм хәрәкәт. Әңгәмәне йомгаклап,хәрәкәтләнеп, уйнап алдылар.

Бүген бакчабызда  иң кадерле кешеләребез - әниләребез көненә багышланган кичә булды. Әниләр турында бик матур җырлар, шигырьләр, әкиятләр яңгырады. Бәйрәм бик эчтәлекле, күңелле булды. Бәйрәмне әзерләгән тәрбиячеләргә, музыка җитәкчесенә,  тырыш балаларга рәхмәтебезне белдерәбез. Киләчәктә зур уңышлар телибез.

Беренче кечкенәләр төркеме балалары тәрбиячеләре Г.Г.Рауфовна белән әниләр бәйрәменә бүләк ясаганнар. Бу кечкенәләребезнең иң зур бүләге. Әниләр өчен баласының үз куллары  белән ясаган бүләктән дә кадерлесе, куанычлысы була алмыйдыр.Нык сәламәтлек, эшегездә зур уңышлар  сезгә, хөрмәтле әниләр!

Бакча күләмендә "Голосок" җыр конкурсы үткәрдек. Район күләмендә оештырылачак конкурска җырчы сандугачны билгеләдек. Конкурста бик күп балалар катнашты. Шулар арасыннан иң-иңнәрен сайладык. Беренче урынны мәктәп хәзерлек төркемендә тәрбияләнүче Сабирова К. яулады. Камиләне җиңүе белән котлыйбыз! Район күләмендә үткәреләчәк  "Голосок"  конкурсында зур уңышларга ирешүен телибез.  

Бакчабызда  район күләмендә оештырылачак конкурска әзерлек бара. Конкурс башта бакча күләмендә үтәчәк. Бу конкурска һәр төркемнән балалар сайлап алынды. Аларны конкурска музыка җитәкчесе Р.Г. Гайфуллина әзерли. Бакча күләмендә беренчелекне алган бала район конкурсында катнашачак. Балаларга уңышлар телибез.

Икенче кечкенәләр төркеме балалары режим моментларын да файдалы үткәрә. Белем бирү эшчәнлегендә алган белемнәрне ныгыталар алар. Мөстәкыйль рәвештә китаплар карыйлар, сюжетлы-рольле уеннар уйныйлар. Тәрбияче аларга һәрвакыт бер шөгыль табып, мавыктырып тора. Дуслык, бердәмлек булганда балаларга бакчада рәхәт һәм күңелле.Тәрбиячеләре Р.Р.Хадеева аларны күзәтеп тора һәм бакчаның күңелле мизгелләрен фотога да төшереп ала.

Әниләр бәйрәменә дә санаулы көннәр калды. Әниләр  турында матур шигырьләр, җырлар өйрәнде балалар. Бәйрәм җитүен зур түземсезлек белән көтәләр. Әниләр бит җир йөзендә  иң изге кешеләр. 

Уртанчылар төркеме балалары иртәнге гимнастика, физик культура, физкультминуткалар, хәрәкәтле уеннарны бик яраталар. Сәламәт булып үсү өчен боларның барсын да даими эшләп торырга кирәк. Сәламәтлегем нык булсын дисәң гел хәрәкәттә бул.Уртанчылар физкультминутка ясый