Уртанчылар төркеме балалары әниләрен һәм әбиләрен язның беренче бәйрәме Халыкара хатын-кызлар көне - 8 нче март белән тәбрик иттеләр.Әбиләренә, әниләренә багышлап шигырьләр сөйләделәр, җырладылар,әкиятне рольләргә бүлеп уйнадылар. Әниләрнең, әбиләрнең хөрмәткә лаек күркәм затлар булуын һәр кешенең күңеленә сеңдерделәр.  Рәхмәт сезгә балалар. Бәйрәм белән , әниләр, әбиләр, кызлар!

Беренче кечкенәләр төркеме балалары әниләрен бәйрәм белән котлап чыгыш ясадылар. Бик матур шигырьләр, җырлар, биюләр белән әниләрен, әбиләрен сөендерделәр. Үз тырышлыклары белән ясаган рәсемнәрен әниләренә бүләк иттеләр. Бәйрәм бик күңелле үтте. Рәхмәт кечкенәләребезгә!

Зурлар төркеме балалары әниләрен котлап җырладылар, биеделәр, шигырьләр сөйләделәр. "Өч кыз" әкиятен сәхнәләштереп күрсәттеләр. Безне якты дөньяга тудырган, кадерләп үстергән әниләребезне хөрмәт итеп яшәргә чакырдылар. Үз куллары белән ясаган чәчәкле чүлмәкләрен әниләренә бүләк иттеләр. Бәйрәмдә әниләр дә катнашты.  Уеннар белән бергә үрелеп барган бәйрәм бик мавыктыргыч һәм күңелле булды. Бәйрәм балалар күңелендә озак сакланыр. Бәйрәм белән сезне әниләр, әбиләр һәм кызларыбыз!

Район күләмендә оештырылган "Сөйкемле Шүрәле" конкурсына нәтиҗә ясалды. Яңа Кенәр балалар бакчасында тәрбияләнүче балалар да актив катнашты. Аларга рәхмәтебезне белдерәбез һәм киләчәктә уңышлар телибез.

Межрегиональный конкурс детского и юношеского творчества "Вдохновение"

Казан шәһәрендә "Вдохновение" балалар һәм яшьләр иҗат конкурсы булып узды. Яңа Кенәр балалар бакчасының мәктәп хәзерлек төркемендә тәрбияләнүче Нуриева Азалия (җитәкчесе: Нуриева Г.Ф) уңышлы чыгыш ясап, 3 нче дәрәҗә лауреат исеменә ия булды. Грамота белән бүләкләнде. Азалияне зур җиңүе белән чын күңелдән тәбрик итәбез. Аңа киләчәктә уңышлар телибез.

Яңа Кенәр балалар иҗат йортында район күләмендә  үткәрелгән "Неопалимая купина" конкурсында актив катнашып, җиңүгә ирешкән балаларны чын күңелдән тәбрик итәбез. 1 урын-Муртазина Ильвина,(5 яшь), 2 нче урын- Хусаенова Айзилә(6 яшь), Шакирзянов Юсуф (5 яшь), Хакимзянова Адилә (3 яшь),  Мухаметзянов Дияз һәм Мухаметзянов Раяз(3 яшь) Аларга ярдәм иткән тәрбиячеләргә, әти-әниләргә рәхмәтебезне белдерәбез. Уңышлар сезгә!

28 нче февраль көнне бакча күләмендә  "Сөйкемле Шүрәле" конкурсы булды. Бу конкурста җиңгән кул эшләре район конкурсына озатылды. Бу бәйгедә катнашкан балаларга,ярдәм иткән әти-әниләргә зур рәхмәтебезне белдерәбез. Зур тырышлык куеп эшләнгән кул эшләребез район күләмендә уҗай бәяләнсен иде. Уңышлар сезгә конкурста катнашучылар.

23 нче февраль - Ватанны саклаучылар көне.  Икенче кечкенәләр төркеме бу матур бәйрәмгә бик җаваплы караганнар. Кечкенә генә булсалар да, шигырьләрен, җырларын, биюләрен чын ихлас  күңелдән яраткан әтиләренә, бабайларына җиткерделәр, Балалар әтиләре белән уенда бик теләп катнаштылар. Күзләрендәге шатлык нурлары барлык йөзләргә дә таралды. Әтиләр уллары, кызлары  белән горурланып  утырдылар.Шатлык таратучы кечкенә дусларыбызга рәхмәт.

Уртанчылар төркеме балалары "үсеп кенә җитим әле, солдат булам үзем дә"  дип җырлап бәйрәмне башлап җибәрделәр. Безнең киләчәгебез алар кулында. Әтиләреннән үрнәк алып, ныгып, сәламәт булып үсеп җитсеннәр дә, безне, илебезне сакласыннар. Әтиләре янында аларның җылысын тоеп, кыю, батыр булып үссеннәр. Без аларга ышанабыз.Бүгенге бәйрәмдә алар үзләрен солдатларча тоттылар. Бәйрәм бик мавыктыргыч, эчтәлекле булды. Рәхмәт сезгә балалар.

23 нче февраль - Ватанны саклаучылар көненә багышланган бәйрәм кичәсендә мәктәпкә хәзерлек төркеме балалары әтиләренә рәхмәтләрен шигырьләр, җырлар, биюләр аша җиткерделәр. Үз куллары белән эшләгән җилкәнле көймәне әтиләренә бүләк иттеләр. Әтиләре белән бергәләп ярыштылар. Йөзләрендә шатлык нурлары балкыса, күңелләрендә горурлык хисе уянды балаларның. Бәйрәм хатирәләре күңелләрдә озак сакланыр.