Бүген беренче номерлы балалар бакчасында районыбыздагы бакчаларга йөрүче 5-7 яшьлек балалар өчен "Юный полиглот"  шигырь бәйгесе булып узды. Бакчабызның мәктәпкә әзерлек төркеменә йөрүче Валиуллина Зилә бу бәйгедә з телдә шигырь сөйләп з дәрәҗә диплом белән бүләкләнде. Зиләне чын күңелебездән котлыйбыз һәм киләчәктә яңадан яңа уңышларга ирешүен телибез. 

Бүген 5 нче номерлы балалар бакчасында район күләмендә  "Каблучак" бию конкурсы булып үтте. Бу конкурста мәктәпкә хәзерлек төркеменнән Нуриева Азалия  "Ямьле җәй"  биюе  белән чыгыш ясап, "Сольный танец" номинациясендә  1 урын алды һәм диплом белән бүләкләнде. Җитәкчесе Гайфуллина Р.Г. 

15 нче майда Арча шәһәре стадионында җиңел атлетика буенча спорт ярышлары булып узды. Профсоюз оешмалары арасында оештырылган бу ярышта актив катнашкан тәрбиячеләргә рәхмәтебезне белдерәбез.

Бакчабызда әти-әниләр җыелышы булды. Тәрбиячеләр ел буе эшләгән эшләренә йомгак ясадылар. Мәктәпкә әзерлек төркеменең мәктәпкә әзерлекләре турында әти-әниләргә җиткерелде.

Бүген Яңа Кенәр авылында Бөек Җиңүнең 72 еллыгына багышланган митинг булып үтте. Митингта Яңа Кенәр балалар бакчасы коллективы катнашты. Бәйрәм тантанасына килгән ветераннар саны елдан ел кими. Сугыш кырында ятып калганнарны бер минутлык тынлык белән искә алдылар, һәйкәлгә веноклар салдылар.

1 нче Май бәйрәме турында төркемнәрдә әңгәмәләр үтте. Тәрбиячеләр бу бәйрәмнең элек ничек үтүе турында балаларга мүгълүмат бирделәр. 

Бүген Арча муниципаль  районы  8 нче номерлы балалар бакчасында тәрбиячеләр өчен "Балалар бакчаларында тәрбияләнүче балаларга экологик тәрбия бирү, аның проблемалары, перспективасы"  дигән тема астында түгәрәк өстәл утырышы булды. Бу утырышта тәрбияче Самигуллина Гүзәл Муллахметовна "Чыршыларны кисмәгез" дигән тема буенча үткәрелгән проект эше турында чыгыш ясады. Үзенең алдынгы педагогик эш алымнары белән уртаклашты.

Туган тел атналыгында эшләгән эшләр бик күп булды. Ә менә мәктәп хәзерлек төркеме балалары һәр көннәрен файдалы үткәрделәр. Бүген алар татар халык бизәкләрен матур итеп буядылар. Халкыбызның милли бизәкләре турында мәгълүмат тупладылар.

26 нчы апрель көнне Яңа Кенәр балалар бакчасында балалар милли киемнән йөрделәр.Мәктәп хәзерлек төркеме балалары татар халкының милли бизәкләреннән эмблема ясап тактылар. Үз куллары белән ясаган эмблема бик матур килеп чыкты.

Бүген бөек шагыйребез Габдулла Тукайның туган көне. Көн дәвамында балалар белән әңгәмәләр үтте. Атна дәвамында үтәчәк чаралар белән таныштырылды. Габдулла Тукай, аның иҗаты белән беренче кечкенәләр дә танышты. Әкиятләр,шигырьләр тыңладылар, "Шүрәле", "Күбәләк" уены уйнадылар.