Бүгеннән  безнең балалар бакчасында  Яңа ел бәйрәмнәре  башланып китте. Яңа ел – балалар зарыгып көткән иң могҗизалы, тылсымлы бәйрәмнәрнең берседер, мөгаен.   Балалар Кыш бабай һәм Кар кызына матур шигырьләр сөйләделәр, чыршы тирәсендә яңа ел җырларын башкардылар. Кыш бабай беркемне дә бүләксез калдырмады, һәркем бәйрәм кичәсеннән күтәренке кәеф белән таралды.Бәйрәм иртәләре дәвам итә. Яңа елга санаулы сәгатьләр, минутлар гына калып бара. Эт  елы барыбызга да исәнлек-саулык, бәхет һәм шатлык, куанычлы көннәр алып килсен!!!

Бакчабызның тәрбиячеләре Яңа елга группаларны үзенчәлекле итеп бизиләр. Зурлар группасы тәрбиячесе Фазылҗанова Л.Н. тәрәзә төбендә дә кышкы әкияти шәһәр ясап куйган.

Бакчабыз мәйданчыгында кар сыннары ясап, матур итеп буяп та куйдык. Мәйданчыгыбыз тагын да матураеп, ямьләнеп китте. Сабыйларыбыз шатлансын дип тырыштык.

"Голосок" район җыр конкурсында мәктәпкә хәзерлек төркеменнән Шакирова Ралинә 1нче дәрәҗә җиңүче дипломы белән бүләкләнде. Бу номерны әзерләүдә күп көч куйган музыка җитәкчесе Гайфуллина Рәмзия Гыйльмулловнаны һәм группа җитәкчеләре Хаҗиева Лилия Фәритовнаны чын күңелдән котлыйбыз һәм киләчәктә дә иҗади уңышлар телибез.

Бакчабызда Яңа Кенәр янгын сүндерү бүлеге җитәкчесе Хәниф Ахметов кунакта булып китте. Ул балаларга янгын куркынычсызлыгы турында искә төшерде. 

 Арча районының 10 нчы балалар бакчасында тәрбиячеләрнең мастер-класслар конкурсы узды. Безнең тәрбиячебез Самигуллина Гүзәл Муллахметовнаны  "Иң үзенчәлекле" номинациясында җиңү яулавы белән котлыйбыз һәм иҗади уңышлар телибез! 

Икенче кечкенәләр төркемендә танып-белү, әйләнә-тирә белән танышу белем эшчәнлегендә кар белән эксперемент.

Бакчабыз группаларында Яңа ел бәйрәмнәренә әзерлек башланды.

Бездә кунакта Әлмәтнең "Алинә" курчак театры.

Беренче кечкенәләр төркеме балалары музыка белем эшчәнлегендә.