2025 нче ел - Ватанны саклаучылар елы, Бөек Җиңүгә - 80 ел.

Минһаҗев Әхмәд.

23 февраль — Ватанны саклаучылар коне – батырлык, намус hәм кыюлык көне белән ихластан котлыйбыз сезне.Бүгенге бәйрәм көчле рухлылык, ир-егетлəрнең кыюлык, намус һəм абруй шикелле сыйфатларга ия булуларын тагын бер кат раслый торган тантана.
Туган илгә һəм үз халкыңа хезмəт итү ул, туган илен чын күңелдән сөюче гражданнарның һәрчак иң югары максаты булды һəм шулай ук булып калса иде.
Сезгә һәм якыннарыгызга тыныч күк йөзе, ныклы сәламәтлек, бәхет-шатлык, рухи һәм матди байлык, һәр эшегездә бары тик уңышлар гына телибез.

21 нче февраль - Халыкара Туган тел көне.
Шул уңайдан балалар белән туган телебез турында сөйләштек, матур шигырьләр, әкиятләр тыңладык. Татар халкының матур уеннарын уйнадык. Милли киемнәр турында фикер алыштык.

Кадерле әтиләребезне, бабайларыбызны, дәү әтиләребезне, абыйларыбызны Ватанны саклаучылар көне белән котлыйбыз!

Ак, зәңгәр, кызыл төсләрдән
Флаглар  бөтен  җирдә.
Әкрен генә  тибрәләләр
Талгын искән  җилләрдә.
Җилләр дә аңлый  шикелле
Бүген  гади  көн  түгел.
Тантаналы, олы бәйрәм
Ир-егетләр  көне ул!
Кемнәр саклый  илебезне
Кызганмыйча  бар  көчен.
Җирдә,  күктә, диңгезләрдә
Сакта  торалар  бүген.
Солдатлар һәм офицерлар.
Танкистлар  һәм сапёрлар.
Матрослар, капитаннар.
Ил  сагына  басканнар.
23 февраль
Календарь битләрендә.
Әтиләрне, бабайларны
Котлыйбыз һәммәсен дә!

2025 нче ел - Бөек Җиңүгә 80 ел!

Шакирова Айгизәдән кул эшләнмәсе.

2025 нче ел - Ватанны саклаучылар елы, Бөек Җиңүнең 80 еллыгы уңаеннан, бакчада тәрбияләнүче балалар кул эшләнмәләре ясап алып килделәр. Әти-әниләргә зур рәхмәт!

Быел без Бөек Җиңүнең 80 еллыгын билгеләп үтәбез. Шуңа бәйле рәвештә, безнең геройлар, махсус хәрби операциядә катнашучылар хөрмәтенә, Бөек Ватан сугышында җиңү яулаган әтиләребез, әби-бабайларыбыз даны өчен, 2025 нче ел - Россиядә һәм Татарстанда Ватанны саклаучылар елы дип игълан ителде.

15 нче февраль - бөек шагыйрь Муса Җәлилнең туган көне. Балалар белән бергәләп шагыйрьнең иҗаты, тормыш юлы белән таныштык. Шигырьләр укыдык, җырларын тыңладык.

Балалар бакчасында конструктор көне. Конструкторлар - бүгенге көндә безнең балалар бакчасында  шөгыльләнү өчен алыштыргысыз материаллар булып тора. Балаларның буш вакытлары булдымы алар тизрәк лего белән уйнарга тотыналар. Лего-конструктор уеннары аша бала әйләнә-тирә дөнья белән таныша.

Әвәләп ясау.
Балаларның пластилин белән эшләү алымнарын үстерү, кирәкле фигураларны дөрес итеп ясарга өйрәнүләренә ирешү, фикерләү, күзаллау сәләтләрен үстерү.