Бүген мәктәбебез шугалагында әтиләр командасына каршы укытучылар һәм укучылардан торган команда уйнады. Ике команда да барлык көчләрен биреп уйнадылар. Әтиләр командасы җиңү яулады.

Бүген кызлар арасында "Ягез әле, кызлар!" бәйгесе булды. Ике команда катнашты. Кызлар үзләренең уңганлыкта, булганлыкта, тапкырлыкта көчләрен сынаштылар. "Яз" командасы кызлары беренче урынны алды. Кызларны җиңүләре белән чын күңелдән котлыйбыз!

Бөек Җиңүнең 70 еллыгына мәктәптә күп кенә чаралар үткәрелә. Шул уңайдан, тарих укытучысы Нуриев Мәгъсүм Бариевич Кәче авылы мәдәният йортында ветераннар белән очрашу кичәсе үткәрде. Укучылар әзерләгән әдәби- музыкаль кичә, концерт номерлары һәрбер ветеранның күңеленә хуш килде. Кичә ахырында ветераннарга медальләр тапшырылды.

Ветераннарга медальләр тапшыру.

Укучылар 8 нче март бәйрәменә әниләренә һәм әбиләренә бүләкләр әзерләделәр. Ясаган кул эшләреннән чәчәкләр күргәзмәсе ясадылар.

Мәктәп күләмендә макулатура җыю оештырылды. Барлык укучылар да бик теләп катнаштылар. Иң күп алып килгән укучылар  Вәлиәхмәтов Диас -1 класс, Усманова Аида - 8 класс булдылар.

Бүген районда үткәрелгән чаңгы ярышында мәктәбебез укучылары да катнашты.

Мәктәбебез шугалагында "Шорт- трек" уеннары үткәрелде. Кызлар арасында Губаева Гөлфинә 7 класс - 1 урын, Нуриева Тәнзилә 4 класс - 2 урын, Шакирова Алинә 7 класс - 3 урын. Малайлар арасында Сөнгатов Инсаф 8 класс- 1 урын, Хөснетдинов Илнар 7 класс - 2 урын, Сабирҗанов Илмир 6 класс - 3 урын алдылар. Аларны җиңүләре белән котлыйбыз!

3 нче сыйныф укучылары белән "Табигатьне саклау  - изге бурыч" дигән темага әңгәмә үткәрелде. Укучылар табигатьне саклауның иң мөһим бурыч икәнлегенә төшенделәр.

Классларда Бөек Җиңүнең 70 еллыгына багышланган тәрбия сәгатьләре гел үткәрелеп тора. Укучылар сугышта катнашкан авылдашларыбызның батырлыклары турында сөйләштеләр,