Мәктәбебездә "Бергә эшлибез" дип исемләнгән экологик акция булып узды. 5 нче сыйныф укучылары белән чишмәгә экскурсиягә бардык, суның температурасын үлчәдек, тәмен татып карадык, чисталыгын тикшердек. Шулай ук өлкән класс укучылары чишмә тирәләрен төзекләндерделәр, тирә- ягына агачлар утырттылар. Һәр укучыга экологик темага лекция укылды.

3 нче сентябрь Терроризмга каршы көрәш көне буларак билгеләп үтелә. Шул уңайдан мәктәбебездә класс сәгатьләре үткәрелде. 

Бүген мәктәпләрдә яңа уку елы башлана. Барлык укучыларны һәм укытучыларны Белем бәйрәме белән котлыйбыз!

Бүген Арча шәһәре стадионында Чәчәкләр бәйрәме булды. Технология укытучысы Копылова Гүзәлия Гарифулловна мальва чәчәге булып киенгән иде. Ул район буенча 2 нче урынны яулады.

Бүген районда ярминкә булды. Безнең мәктәп коллективы да актив катнашты. Мәктәп бакчасында үстерелгән яшелчә, җиләк- җимеш сатылды.

Бүген мәктәбебездә өмә үткәрелде. Мәктәп яны чистартылды,  тәртипкә китерелде, юл кырыйларындагы чүп үләннәре чабылды, бакчадагы эшләр эшләнде.

Укучылар һәм укытучылар авылыбызның мәчет тирәсен чистарттылар, коймаларын буядылар.

Мәктәптә 15 нче август көнне өмә оештырылды. Өмәдә укытучылар, укучылар һәм техник хезмәткәрләр катнашты(26кеше).  Мәктәп бакчасында чүпләр уталды. Территориядән чүпләр җыйналды, койма, юл кырыйларындагы үләннәр  чабылды.