Мәктәбебездә волейбол ярышы булып узды. Ярышта кызлар, малайлар һәм АСОда укучы студентлар командалары катнашты. I урында - малайлар командасы, II урында - АСО студентлары, III урында  кызлар командасы булды.

Бүген Арча укучылар сараенда педагог- оештыручылар семинары булды. Анда безнең мәктәпнең педагог- оештыручысы да катнашты. Семинарда эшләнгән эшләргә нәтиҗә ясалды, алда эшләнәчәк эшләр турында фикер алышу булды.

Мәктәбебездә Бөек шагыйребез Г. Тукайның тууына 130 ел тулуга багышланган стенд яңартылды.

Куркынычсызлык айлыгы кысаларында мәктәптә эвакуацияләр үткәрелде.

Китапханәчебез Мәгъсүмова Г. Ф. дәреслекләрнең тышланышын, чисталыгын тикшерде. Укучыларга үзенең киңәшләрен бирде.

Куркынычсызлык айлыгы кысаларында мәктәптә класс сәгатьләре, әти- әниләр белән эш алып барылды.

Мәктәбебездә түгәрәкләр эшли башлады. Укучылар бик теләп йөриләр.

7 нче класс укучылары класс җитәкчеләре Нуриев М. Б. белән Арча шәһәрендә ачылган Җиңү паркына экскурсиягә бардылар. Анда аларны Арча укучылар сарае укучылары каршы алды, төрле уеннар уйнаттылар, парк белән таныштырдылар. Парк укучыларга бик ошады.

Мәктәбебездә "Бергә эшлибез" дип исемләнгән экологик акция булып узды. 5 нче сыйныф укучылары белән чишмәгә экскурсиягә бардык, суның температурасын үлчәдек, тәмен татып карадык, чисталыгын тикшердек. Шулай ук өлкән класс укучылары чишмә тирәләрен төзекләндерделәр, тирә- ягына агачлар утырттылар. Һәр укучыга экологик темага лекция укылды.

3 нче сентябрь Терроризмга каршы көрәш көне буларак билгеләп үтелә. Шул уңайдан мәктәбебездә класс сәгатьләре үткәрелде.