Иске Чүриле урта мәктәбендә волейбол буенча зона ярышлары булды. Анда районның биш мәктәбеннән килгән командалар көч сынашты. Безнең мәктәп командасындагы уенчылар да барлык көчләрен биреп уйнадылар.

Мәктәбебез укучылары Яңа Кырлайда урнашкан Г. Тукай музей- комплексында Нәүрүз бәйрәмендә булдылар. Бәйрәм җырлар, биюләр, уеннар, әкиятләрне сәхнәләштерү белән үрелеп барды. Бәйрәм ахырында укучылар карачкы яндырдылар, Карга боткасыннан авыз иттеләр, җигүле атларда йөрделәр. Бәйрәм бик күңелле үтте.

Мәктәптә "Җиңүнең 70 еллыгына 70 сыерчык оясы" акциясе узды. Акциядә укучылар бик теләп катнаштылар. Сыерчык ояларының иң яхшылары күргәзмәгә куелды. Кошлар әлеге ояларны күреп сөенсеннәр иде. Канатлы дусларыбызны саклыйк һәм яклыйк.

Бүген мәктәптә Нәүрүз бәйрәме үтте. Нәүрүзбикәне каршы алу җырлар, биюләр, сәхнәләштерелгән әкиятләр белән үрелеп барды. Кыш бабай белән Нәүрүзбикәнең ярышуы балаларга аеруча ошады. Урамда төрле уеннар уйнап, карачкы яндырдык. Ахырда һәр кеше коймак блән Карга боткасыннан авыз итте.

Бүген авылыбызның "Кояшкай" балалар бакчасы балалары мәктәбебез музеенда кунакта булдылар. Музей җитәкчесе Нуриев Мәгъсүм Бариевич 9 нчы сыйныф укучылары белән аларга халкыбызның үткәне, бүгенгесе турында сөйләделәр. Балалар һәрбер экспонатны җентекләп,  зур кызыксыну белән карадылар.

Бүген 1 нче сыйныф укучыларының "Әлифба бәйрәме" булды. Анда укучыларның әниләре дә чакырылган иде. Укучылар биеделәр, җырладылар, шигырьләр сөйләделәр, табышмакларның җавапларын таптылар. Убырлы карчык, Шүрәле кебек әкият геройлары бәйрәмне тагын да җанландырып җибәрде. Ахырда бәйрәм чәй өстәле артында дәвам итте.

Мәктәбебездә профориентация буенча эш даими алып барыла. Бүген "Социаль белем бирү академиясе"нең Арча филиалыннан килеп, андагы уку тәртибе, шартлары, әлеге уку йортында әзерләнә торган белгечлекләр белән 8-9 нчы сыйныф укучыларын таныштырып киттеләр.

Ученицы 4 класса Хазикаева Эльвира, Хусаинова Диляра, Заляева Резеда приняли участие в III Всероссийской олимпиаде по музыке и были награждены дипломами I степени.

Бүген Арча үзәк китапханәсенең өлкәннәр бүлегендә Бөек Җиңүнең 70 еллыгы уңаеннан "Ул елларның даны мәңгелек" дип исемләнгән шигырь сөйләүчеләр бәйгесе уздырыла. Анда безнең мәктәптән 9 нчы сыйныф укучысы Алисә Шәрипова катнаша. Аңа уңышлар телибез!

Бүген мәктәп укучылары һәм укытучылары авылыбызның хөрмәтле ветераны Гәрәев Вәли абыйның йортында кунакта булдылар. Ветеран үзенең хатирәләре белән уртаклашты. Укучыларның сорауларына җавап бирде. Үзенең сугышчан батырлыклары турында сөйләде, алган орден- медальләре белән таныштырды. Ветеран хәзерге тормышның кадерен белергә, тырышып укырга дигән теләкләрен җиткерде.