Сборная 7 классов против сборной 5-6 классов и учителей.

Бүген мәктәптә әти- әниләр җыелышы булды.

Бүген мәктәптә педагогик советның чираттагы утырышы булды. Көн тәртибендә төп доклад башлангыч классларда яңа стандартларны тормышка ашыруга багышланган иде. Башлангыч сыйныф укытучысы Гыйльметдинова С. Ф. доклады тыңланды. Шулай ук башлангыч сыйныф укытучысы Мөхәмәтшина Э. Г. "Башлангыч классларда җөмлә төрләре" дип исемләнгән презентация тәкъдим итте. Сафина Р. Ф. дәрестән соң эшчәнлектә "Юл йөрү кагыйдәләре" белән таныштырды. Директор урынбасары Садыйкова А. В. урта классларда яңа уку елыннан ФГОС кертелү белән коллектив алдында торган бурычларны аңлатты. Уку елының икенче чирегенә һәм беренче яртыеллыкка нәтиҗә ясап класс җитәкчеләре чыгыш ясадылар. Педагогик совет утырышын йомгаклап директор Муллахмәтов Нияз Наилович өченче чиректә мәктәп алдында торган бурычлар турында сөйләде. 

Мәктәптә 6 нчы гыйнвар көнне укучылар һәм укытучылар арасында "Рандеву- 2015" хоккей уены үткәрелде. Җиңүчеләргә кубок тапшырылды. Җиңүчеләрне котлыйбыз!

Хоккей уеныннан күренеш.

Мәктәбебездә прфсоюз членнары арасында шахмат, шашка, өстәл теннисы буенча зона ярышлары үткәрелде. Уенчыларга Кыш бабай белән Кар кызы Яңа ел теләкләре һәм уеннарда уңышлар теләделәр. Районыбызның биш мәктәбе һәм ике балалар бакчасы коллективыннан укытучылар һәм тәрбиячеләр көч сынаштылар. Һәр өч төрдә дә җиңүчеләр билгеләнде.

Шахмат буенча Иске Чүриле мәктәбеннән Сәйфуллина Г. Ю. , Түбән Аты мәктәбеннән Шакиров Р. Н. лар 1 урынга лаек булдылар.

Шашка буенча Түбән Аты мәктәбеннән Миңнуллина Г. һәм Кәче мәктәбеннән Зәйнуллин Х.Х. 1 нче урынны алдылар.

Теннис уены буенча Түбән Атыдан Кадырова Л. һәм Сикертән мәктәбеннән Нәбиуллин Р. 1 нче урынга чыктылар.

Уеннарда призлы урынны алучыларга грамоталар тапшырылды. Җиңүчеләрне чын күңелдән котлыйбыз һәм уңышлар телибез!

Шашка ярышыннан күренеш

Шахмат ярышыннан күренеш

Теннис ярышыннан күренеш

Җиңүчеләргә грамоталар тапшырылды.