Мәктәбебездә Көзге бал бәйрәме булды. Укучылар төрле конкурсларда көч сынаштылар, концерт номерлары күрсәттеләр.

28 нче октябрь көнне Казанбаш төп гомуми белем мәктәбендә районның мәктәп китапханәчеләре семинары булды. Семинарда безнең мәктәп китапханәчесе дә катнашты. 2 нче сыйныф укучылары "Әбиемнең серле сандыгы" дигән мероприятие күрсәттеләр. Китапханәчеләр өчен интелектуаль уен үткәрелде. Арча районы мәгариф бүлеге методисты Феоктистова Г. К. семинарга югары бәя бирде.

Урта Курса мәктәбендә зона буенча волейбол ярышлары үтте. Анда безнең мәктәпнең кызлар командасы II урынны алды. Малайлар командасы да актив катнашты.

4 нче, 6 нчы һәм 8 нче класс укучылары татар теленнән диагностик тестирование үттеләр. Барлык укучылар да катнашты.

Мәктәптә һәр класс яшелчәләрдән көзге күргәзмә ясады. Аларның иң яхшыларына урыннар биреләчәк.

Башлангыч класс укучылары авыл китапханәсенә экскурсиягә бардылар. Анда аларның мәдәни көндәлекләренә беренче тамгалар куелды. Китапханәче  Дилә Ирековна укучыларга кызыклы мәгълүматлар бирде.   

Район буенча үткәрелгән бадминтон ярышында 3 нче класс укучысы Галәветдинова Гүзәл II  урынны, 5 нче класс укучысы Насыйрова Адилә III урынны алды. Мәктәбебез командасы II урынга лаек булды. Котлыйбыз!

Бүген мәктәптә Бердәм мәдәният дәресе үтте. Барлык башлангыч сыйныф укучыларына мәдәни көндәлекләр тапшырылды. Укучыларга мәдәният турында мәгъүмат бирелде, көндәлекләрне ничек тутырырга кирәклеге күрсәтелде.

Район буенча үткәрелгән армспорт ярышында безнең мәктәптән дә укучылар катнашты. 8 нче класс укучысы Гобәева Гөлфинә II урынны, 8 нче класс укучысы Хафизов Фаил III урынны яулады. Аларны уңышлары белән чын күңелдән котлыйбыз!

4 нче класс укучылары тәрбия сәгатендә гөл үстерү серләренә төшенделәр, өйдә нинди гөлләр үстерүләре турында фикер алыштылар.