Акциядә  Фәйзуллина Л.җитәкчелегендәге озынайтылган көн төркеменә йөрүче укучылар аеруча актив катнашалар .Үзләре иҗат иткән  яки өлкәннәр ярдәме белән ясалган җимлекләрдә инде канатлы дусларыбыз  сыйлана.Балаларның  шатланып,әлеге изге эштән тәм табып йөрүләре аеруча сөендерә.

Баларның юл йөрү кагыйдәләре буенча белемнәрен ныгыту,бәхетсезлек очракларын кисәтү максатыннан  Миннебаева Альбина 4-5 класс укучылары арасында “Юлчы-шоу”дип аталган интеллектуаль уен әзерләп үткәрде.Әлеге чарада Балигъ булмаган балалар белән эшләү инспекторы Михайлова Рания һәм  юл хәрәкәте иминлеге хезмәткәре  Хөснетдинов Марат та катнаштылар.Балаларга саллы киңәшләрен бирделәр һәм имгәнүләрне кисәтергә булышлык итүче видеосюжет тәкъдим иттеләр.

Шигырь яратучы укучылар катнашуында  мәктәп күләмендә “И моңлы туган телем!” дигән кичә үткәрелде. Кичәдә катнашкан һәр шигырь сөйләүче  номинация буенча бәяләнде. Кичәдә 5-10 сыйныфлар актив катнашты.

Бүген 5нче сыйныф укучылары арасында табышмаклар кичәсе узды.

Илләр гизеп,безнең янга

Тапкыр абзый килгән икән.

 “Табышмаклар” сумкасында

 Ниләр барын белсәң икән. 

 6 нчы һәм 7 нче сыйныфлар арасында “Тамчы-шоу” интеллектуаль уены булды. Бәйгедә “Балкыш” һәм “Туган тел” төркемнәре көч сынашты. Алар тел турында булган белемнәрен бик урынлы кулландылар. 7 нче сыйныф җиңүче булып табылды.

Мәктәбебездә татар теле  атналыгы башланып китте.Бүген “Яшь шагыйрь” һәм “Яшь рәссам” бөйгесе старт алды. Бәйгедә 5 -11 сыйныфлар актив катнашты. Укучылар бик теләп шигырь, хикәя һәм әкиятләр иҗат итте. Тиздән җиңүчеләр билгеле булачак.

Балигъ булмаган балалар белән эшләү инспекторы Михайлова Рания укучылар белән очрашты һәм хокук бозуларны кисәтү буенча әңгәмә үткәрде,соңыннан ата-аналар җыелышында катнашты.

Кышкы каникул көннәрендә кызлар мәктәптә үткәрелүче ”Үзебез тегәбез” түгәрәгенә бик теләп йөрделәр.