Мәхәббәт җырчысы С.Есенинның тууына 120 ел,ә тормыштан киткәненә 90 ел тулу уңаеннан ,рус теле һәм әдәбияты укытучысы Музаффарова Сания, үзе җитәкләгән “Литературная гостиная”түгәрәге әгъзалары белән берлектә,презентация кулланып, бай эчтәлекле “Есенин вчера,сегодня,завтра”дип исемләнгән әдәби-музыкаль композиция тәкъдим иттеләр.

16 декабрь  көне 8 класс укучылары  фельдшер Ахмадуллина Г. В.янында булып,һәртөрле беренче ярдәм күрсәтү буенча биология дәресләрендә алган белемнәрен практикада  сынап карадылар,дөрес итеп кан басымын үлчәргә өйрәнделәр,кайбер темалар буенча “имтихан тоттылар”.

4 сыйныфукучылары рус әдәбиятыннан ,командаларга бүленеп,“Безгә сугыш кирәкми!” темасына проект  якладылар (җитәкчесе Ахметшина А.Г.)Иң сөендергәне-балалар  үз эшләреннән канәгать калдылар.

Янгын афәтен кисәтү максатыннан, Апас  һәм Кайбыч районнары буенча районара янгын куркынычын кисәтү бүлеге начальнигы  И.Вәлиев һәм өлкән тикшерүчесе А.Тимуршин  укучылар белән очрашу үткәрделәр.Балалар гаебе белән килеп чыккан аянычлы хәлләргә тукталдылар,төпле киңәшләрен бирделәр,яңа ел кичәләрендә пиротехника һәм петардалар куллануга карата катгый таләпләр белән таныштырдылар.

Бүген 8 класс укучылары тарафыннан “Азык-төлек продуктларына беренчел экологик экспертиза”дигән чара әзерләп үткәрелде.(җитәкчесе Бикмурзина Ф.И.)Укучылар күп сатып ала торган тәм-томнарның файдасы һәм организмга китерә торган зыянлы матдәләре турында тулы мәгълумат һәм файдалы киңәшләр бирелде.

Мәктәптә информатика дәресләрендә "Кодлар сәгате"  уздырылды. Укучылар видеороликларны карагач, бик теләп "Хәзинә эзләү" уенына алгоритмнар төзеде, сертификатлар алдылар.

 Шәйхетдинова С. Казан шәһәредә узган республикакүләм “Лицей укучысы – 2015“ бәйгесендә катнашты. Ул физик хәзерлек буенча беренче урынны, теория буенча өченче урынны яулады. Сиринә медальгә, Мактау грамоталарына, музыкаль үзәккә һәм планшетка ия булды.

Казан шәһәрендә “Форпост“ оешмаларының унынчы республика слетында   Гыйбадуллин И. катнашты һәм исемле сәгать  белән бүләкләнде

“Форпост” отряды әгъзалары “Коррупциягә суд” темасына  эчтәлекле чара әзерләп үткәрделәр(җитәкчесе Замалиева А.Г.)

    Әниләр көне уңаеннан Борнаш урта мәктәбенең 1Б һәм 3Б сыйныф укучылары (җит.Шәйхетдинова А.Р. һәм Сибгатуллина Л.Г.) 30 ноябрь көнне үзләренең иң –иң кадерде кешеләрен -әниләрен кунакка чакырдылар. Алар әниләрен үзләренең матур чыгышлары, кулдан ясалган бүләкләре белән сөендерделәр. Әниләр балаларының чыгышларына бик сөенделәр. Балаларга һәм сыйныф җитәкчеләренә зур рәхмәтләрен җиткерделәр.