Фәйзуллина Л.җитәкчелегендәге озынайтылган көн төркеменә йөрүче укучыларның иҗат отчеты булды.Кул эшләренә,җыр-биюгә һәм нәфис сүзгә осталыкларын күрсәттеләр.Эчтәлекле  һәм әзерлекле чыгышлары белән барыбызга да бәйрәм рухы бүләк иттеләр.

9-11 класс укучылары белән Казан кооператив институты  хезмәткәрләре очрашу оештырдылар.Уку йорты,андагы уку шартлары ,әзерләп чыгара торган белгечлекләр белән таныштырдылар,укучыларның кызыксынган сорауларына җаваплар бирделәр.

“Сыерчык” акциясендә иң актив катнашкан класс –беренчеләр булды.(Кл.җитәкчесе Тәхәвиева Э.М.)

Әлеге номинациядә җиңүче -  1 класс укучысы Хәмидуллин Адель Илгиз  улы

Укучыларыбыз изге эшкә теләп кушылдылар:канатлы дусларыбызга яңа оялар әзерлиләр,булган ояларны төзекләндерәләр,чистарталар.

Халыкара хатын-кызлар көне  уңаеннан  8 класс укучылары , сыйныф җитәкчеләре Хәйруллина Венера җитәкчелегендә,”Ягез әле, кызлар!” бәйгесе әзерләп үткәрделәр.Әлеге чарада 9-11 класс кызлары катнашты һәм бәйге дуслыкның җиңүе белән төгәлләнде.

Бүген мәктәптә Аҗаган-2016 хәрби-спорт уены үтте.  Укучылар стройда марш басу, автомат җыю, чаңгыда эстафета, турникта тартылу кебек ярышларда үзләрен күрсәттеләр.    Аҗаган уены укучыларга бик ошады. 

   6 класс укучылары  (класс җитәкчесе Гыйниятуллина Н.Ә.) ,янгын афәтен кисәтүгә багышлап, “Ут-гаепсез...” темасына пьеса әзерләп күрсәттеләр.Янгын чыгуга кешеләрнең саксызлыгы,ваемсызлыгы сәбәп булуын аңлаттылар.Әлеге чарада Әлмәндәр янгыннан саклау аерым посты начальнигы Ахметов Таһир Нәҗип улы да катнашты,балаларга саллы киңәшләрен бирде,үтемле чаралар үткәрүне уңай яктан бәяләде.

“Сабантуй” газетасыннан Алмаз Хамзин һәм Алмаз Гимадиев укучылар белән   очрашуга килделәр.Барыбыз өчен дә истә калырлык күңелле мизгелләр бүләк иттеләр.Мәктәпкә дә,һәр укучыга да бүләкләр тапшырдылар.