Хокук бозуларны кисәтү отрядлары арасында Республикакүләм конкурсының район этабы безнең мәктәп базасында үтте.

Бүген мәктәбебездә инглиз теленә гашыйк класс һәм укучыларны ачыкладык. 1-11 класс укучылары катнашында  үткән бәйрәмдә, "Иң актив класс"-2 нче класс,ә "Инглиз теленә гашыйк укучы " исеменә 2 нче класс укучысы Абдуллина Зәринә лаек булда

Борнаш  урта мәктәбендә ата-аналар җыелышы булды.Көн тәртибенә алынган әһәмиятле темаларның берсе туберкулез авыруын  профилактикалауга багышланган иде.Әти-әниләр алдында фельдшерлар Ахмадуллина Гөлүсә һәм Гарипова Гөлфия үтемле чыгыш ясадылар.

Борнаш урта мәктәбе укучыларының ата-аналары өчен,балаларга профессионал юнәлеш бирү мәсьәләләренә багышлап, район Аграр көллияте укытучылары белән очрашу үткәрелде.Очрашуга Галләмиева Гөлүсә Булат кызы һәм Галлямова Гөлүсә Наил кызы килделәр.Гөлүсә Булат кызы коллияттәге уку шартлары белән бик теләп таныштырды,бирелә торган белгечлекләр һ.б. турында әти-әниләргә җентекләп аңлатты,төпле киңәшләрен бирде.Көллият тормышына,ирешелгән уңышларына багышланган презентация күрсәтелде.

Бүген мәктәбебезнең 5-6 класс укучылары, математика атналыгы кысаларында, математик кафеда “сыйландылар”. Аларга “Сорау- җавап” салаты, “Тигезләмәләрдән математик уха”, “Математик пылау”, “Математик коктейль”, “Геометрик десерт” тәкъдим ителде.  Укучылар кичәдә актив катнаштылар.

Шулай ук Татфондбанк хезмәткәре  Инзилә Шамил кызы белән файдалы очрашу үткәрелде.Ул укучылар һәм укытучылар белән финанс мәсьәләләренә багышланган чыгыш ясады,әңгәмә үткәрде,кызыксынучыларның  сорауларына аңлаешлы җавапларын һәм киңәшләрен бирде.

Борнаш урта мәктәбендә,Бөтенроссия финанс грамоталылыгы атналыгы кысаларында , “Дружи с финансами» темасы астында флешмоб үткәрелде.

Фәйзуллина Л.җитәкчелегендәге озынайтылган көн төркеменә йөрүче укучыларның иҗат отчеты булды.Кул эшләренә,җыр-биюгә һәм нәфис сүзгә осталыкларын күрсәттеләр.Эчтәлекле  һәм әзерлекле чыгышлары белән барыбызга да бәйрәм рухы бүләк иттеләр.