17 нче март көнне мәктәптә гомуми ата-аналар җыелышы узды.

Көн тәртибе:

1. "Туберкулез. Аны кисәтү чаралары." (Кр. Баран авылы фельдшеры Скворцова Р.С. чыгышы)

2. Мәктәптә укучыларның туклануын оештыру. (Тәрбия эшләре буенча директор урынбасары Сергеева М.С. чыгышы)

3. Аталар советы эшчәнлеге. (Тәрбия эшләре буенча директор урынбасары Сергеева М.С. чыгышы)

4. 3 нче чиректә укыту эшчәнлегенә анализ. (Укыту-тәрбия эшчәнлеге буенча директор урынбасары Баранова И.А. чыгышы)

5. 3 нче чиретә тәрбия эшчәнлеге. (Тәрбия эшләре буенча директор урынбасары Сергеева М.С. чыгышы)

6. Язгы ташу чорында һәм янгынга каршы профилактик чаралар. (МЧС вәкиле Леонтьев Г.В. чыгышы)

Бүген мәктәбебезнең 4 сыйныф укучысы Баранова Анна, 6 нчы сыйныф укучысы Зайцева Валерия район күләмендә үткәрелгән Г.Тукай исемендәге “Тукай замандашлары” VI Бөтенроссия шигырь укучылар бәйгесендә катнаштылар.

Укырга кая барырга? Әлеге сорау югары класс укучыларын гына түгел, аларның әти-әниләрен дә борчый. Үзең теләгән, синең мөмкинлекләреңә туры килгән һөнәр сайлаганда гына эшеңнән ямь  табып хезмәт куярга һәм уңышка ирешергә була. 14 март көнне районыбызның аграр көллиятеннән вәкилләр килгән иде. Алар әлеге уку йортына керү шартлары,  белгечлекләр белән таныштырды. Укучылар игътибарына уку йорты турында  буклет тәкъдим ителде.

Урамда яз җилләре исә, яз исе сизелә. Яз ул өметләр һәм аңлаешсыз ниләрдер көтү вакыты, омтылулар, ашкынулар вакыты Яз матур, дибез.  Бәлки яз хатын-кызлар бәйрәме белән башланганга шулай матурдыр. Ә бәлки хатын-кызлар бәйрәмен үткәрү өчен нәкъ менә шундый матур яз көнен сайлау кирәктер?

Кояш көлә, мин елмаям,

8 нче Март бүген.

Бүген әниләр бәйрәме,

Шуңа күңелем шат минем. - дигән сүзләр белән башланып китте бүгенге "Гөлләргә тиңлим Сезне...." дип аталган бәйрәм кичәбез. Бәйрәмгә барлык сыйныф укучыларының да әниләре, әбиләре һәм апалары килгән иде. Укучылар килгән кунакларны җыр-биюләр, матур шигырь юллары белән шатландырды.

Бүген  мәктәбебездә физкультура атналыгы кысаларында мини- футбол ярышы узды. Ярышта 4 команда катнашты: 6 нчы, 7 нче, 8 нче һәм 9 нчы сыйныф командалары. Ярыш бик дәррәү генә башланып китте, һәр команда да ныклы итеп әзерләнеп килгән иде. 9:7 исәбе белән 7 нче сыйныф һәм 7:5 исәбе белән 9 нчы сыйныф командалары җиңү яулады. Афәрин!

Гәүдәгә дә, кулбашка да

Гимнастика - ул теннис.

Чиратлашып шар сугабыз

Бик теләп һәм бик җитез.

Физкультура атналыгы кысаларында мәктәбебездә теннис ярышы узды. Нәтиҗәләр түбәндәгечә.

Малайлар:

1 урын - Станчас В.

2 урын - Сергеев Н.

3 урын - Никитушкин А.

Кызлар:

1 урын - Зайцева В.

2 урын - Фомина А.

3 урын - Баранова А.

Бүген мәктәптәбебездә укучылар һәм укытучылар арасында волейбол ярышы үтте. Ярыш үтә кызыклы барды. Укучыларның җиңеләсе ә, укытучыларның, үз чиратында,  укучылары каршында сынатасы  килмәде. Укучылар командасы 2:1 исәбе белән җиңеп чыктылар. Ләкин, тынычланырга ярамый: алда яңы ярышлар  көтелә. 

Бүген мәктәбебездә, физкультура атналыгы кысаларында, «Күңелле стартлар» уены үткәрелде. Һәр укучы әлеге уенда бик теләп катнашты. Уеннар берсеннән-берсе күңелле, үзенчәлекле һәм мавыктыргыч булды. Бүгенге көн укучыларыбыз өчен аеруча да күңелле узды.

Бүген инглиз теле укытучысы Макарова А.Ф.. 4 нче сыйныфта "Глаголы прошедшего времени" дигән темага ачык дәрес күрсәтте. Дәрес уен формасында бик кызыклы узды. Укучылар актив катнаштылар.