Кадерле укучылар, укытучылар, ата-аналар!  Сезне Белем көне-Беренче кыңгырау бәйрәме белән тәбрик итәбез. Сәламәтлек, түземлек һәм тырышлык белән уку елын уңышлы тәмамларга насыйп булсын! Мәктәбебез яңа уку елына 82 укучы белән аяк басты. Беренче сыйныф укучыларын Исламова Алия Фәрит кызы кабул итеп алды. Укучылар, белем иле сезгә ишекләрен киң итеп ачсын! Бәйрәм белән!

Бүген, ягъни 22 апрель көнне Минзәлә педагогия көллиятендә, Габдулла Тукайның тууныа 135 ел тулуга багышланган атналык кысаларында, Татарстан Республикасы Төньяк – көнчыгыш төбәге һөнәри белем бирү оешмалары студентлары һәм урта гомуми белем бирү мәктәпләре укучылары арасында үткәрелгән Габдулла Тукайга багышлап үзләре иҗат иткән шигырьләр бәйгесендә мәктәбебезнең 6 нчы класс укучысы Туктарова Адилә Булат кызы  3 урынга урынга ия булды. Котлыйбыз!!! Җитәкчесе: Нургалиева А.А.

Бүген 9 нчы класс укучылары үзләренең ел дәвамында фән укытучылары җитәкчелегендә эшләгән шәхси проектларын якладылар. Жюри аларның эшләренә бәя бирде.

17 нче апрель көнне мәктәп янындагы участокны җыештыру өмәсендә катнаштык.

13 нче апрель көнне Сәфәр урта мәктәбендә макулатура җыелды. Бу чарада 1-11 нче класс укучылары би актив катнашты.

Язгы чорда пожарларның саны арта. Укучыларга пожар куркынычсызлыгы турында аңлату аеруча әһәмиятле булып тора. Шул уңайдан 1нче апрель көнне, 7 нче класс укучылары белән “ Пожар куркынычсызлыгы” дип аталган класс сәгате үткәрелде. Өйдә, мәктәптә һәм табигатькә чыккан вакытта нинди кагыйдәләрне үтәргә кирәклеге турында аңлатылды.

Башлангыч класслар арасында  муниципаль  этапта үткәрелгән «Лучшая проектная-исследовательская работа среди младших школьников»  «Первые шаги в науку» конкурсында 2 нче класс укучысы Фатихов Раяз, 3 нче класс укучысы Адиева Ралина катнаштылар. Укытучылары Фатхелова Алсу Фирдәвисовна һәм Шарифянова Диләрә Мәгсүмовна.

География-биология атналыгы дәвам итә. 19 нчы март көнне 5,6 класс укучылары белән “ Кошлар-безнең канатлы дусларыбыз” дип аталган кызыклы викторина үткәрелде. Балаларга кошлар дөньясы, кызыклы фактлар турында сөйләнелде, сораулар һәм төрле иҗади биремнәр бирелде.

2021 нче ел-Татарстан Республикасында Туган телләр һәм халыклар бердәмлеге елы буларак билгеләп үтелә. Шул максаттан география-биология атналыгы кысаларында “ Төрле халыкларның теле һәм мәдәнияте” дип аталган кызыклы викторина үткәрелде. Ул 8 класс укучылары катнашында булды.

География-биология атналыгы укучыларда зур җаваплылык хисе уятты. 7 нче класс укучылары көче белән “ География” стенгазетасы чыгарылды. Анда укучылар өчен кызыклы һәм мавыктыргыч мәгълүматлар урнаштырылган.