Бүген мәктәп ашханәсендә ата-аналар контроле булып узды.

    Сегодня в школьной столовой прошел родительский контроль.

Укучыларның сәламәтлеген кайгырту, сәламәт яшәү образын пропагандалау- мәктәпнең төп эшчәнлекләреннән берсе булып тора. Шул уңайдан 29 нчы январь көнне мәктәп укучылары,укытучылар катнашында “ Сәламәтлек көне” үткәрелде. Укучылар  саф һавада төрле физик күнегүләр башкардылар, хәрәкәтле уеннар уйнадылар, чангы шудылар.

31 нче январь көнне хуҗалык хезмәтчәннәренең еллык исәп-хисап  җыелышында мәктәбебез укучылары  алдынгыларга узләренең җыр-моңнарын бүләк иттеләр.

26 нчы гыйнвар көнне 8-9 класс укучылары Актаныш технология техникумына экскурсиягә бардылар.

7 нче февраль конне «Йолдызлык 2022» бәйгесенең куст туры узачак. Шул уңайдан мәктәбебездә әзерлек бара.  Уңышлар сезгә, укучылар!

27 гыйнварда Россиянең Хәрби дан көне — Ленинград блокадасын тулысынча өзү көне билгеләп үтелә. Шул уңайдан мәктәптә 8 сыйныф укучылары белән “Батырлык дәресе” уткәрелде. Класс җитәкчесе-Салихов Илнар Шәйхенур улы.

Бөек Җиңүнең 77 еллыгы якынлаша.Укучыларда Ватанны ярату, патриотизм хисе тәрбияләү өчен, 26 нчы январь көнне, 8 класс укучылары белән “ Ленинград блокадасын өзүгә 78 ел” дип исемләнгән класс сәгате үткәрелде.Укучылар белән шушы темага багышланган видеоролик каралды, тәрбияви әңгәмә үткәрелде.

Укучыларның куркынычсызлыгын тәэмин итү чараларын тормышка ашыру кысаларында, 19 нчы январь көнне, 8 класс укучылары белән “ Кайсы очракларда юк дип әйтә белергә” дигән тема буенча класс сәгате үткәрелде. Урамда,җәмәгать урыннарында үз-үзеңне яклый алу, тиешле кагыйдәләрне үтәү турында класс җитәкчеләре яхшылап аңлатты

22 нче гыйнвар көнне район үзәгендә Кыш бабай призына чаңгы ярышы булды. Укучыларыбыз Нурлыгаянов Илгиз, Фәхриев Салават, Фатихова Инзилә 1 нче урын, Закирова Язилә 3нче урын яуладылар. Җитәкчеләре- Габдуллин Нарис Тимергади улы.

21.01.22 көнне “Ел укытучысы-2022” бәйгесендә тарих һәм җәмгыять  белеме укытучысы Закирова Ландыш Җәүдәт кызы уңышлы чыгыш ясап кайтты.