24 нче февраль көнне безнең мәктәп укучылары муниципаль этапта Кулибин конкурсында катнашып кайттылар. 9 нчы класс укучысы Салихов Фирзәр медицина номинациясендә “Инверцияле өстәле” эше белән 1 нче урынны алды;  8 нче класс укучысы Нурлыгаянов Инзил спорт номинациясендә “Чаңгы майлау станогы” эше белән җиңүче;1 нче класс укучысы Фәтхелова Нурия киләчәк автомобиле номинациясендә “Киләчәк автомобиле” эше белән җиңүче булды.

Мәктәп күләмендә 7-11 класслар арасында ату ярышы булды.

21 февраль -Халыкара туган тел көне. Шул уңайдан мәктәбебезнең башлангыч класс укучылары  “И, газиз туган телем!” - туган тел көненә багышланган китап күргәзмәсендә мәктәбебез китапханәче Ләйлә апалары белән китапларга күзәтү ясадылар.

“Туган тел көне” уңаеннан укучылар арасында “Газиз туган телем” исемле викторина уздырылды. “Замана балалары” һәм “Эрудитлар” командалары зирәклектә һәм тапкырлыкта көч сынаштылар, белемнәрен күрсәттеләр. Кичә  “Туган тел” җыры белән тәмамланды..

18 февраля на базе молодёжного центра "Яшьлек" обучающиеся  нашей школы – Закирова Язиля, Ханипов Айзат, Габдуллина Зилия, Тимерова Гульнур  вместе с учителем информатики Гилмуллиной Ч.З.  приняли участие в республиканском конкурсе по разработке цифровых решений "TATAR HACK". 

15 февраль- “Әфганчылар көне” буларак билгеләп үтелә. Укучыларда Ватанга карата хөрмәт,патриотизм хисе тәрбияләү өчен, 16 нчы февраль көнне, 8класс укучылары белән “ Әфганстан-йорәк ярасы” дип исемләнгән класс сәгате үткәрелде. Класс сәгате барышында бу сугышның авырлыгын, анда катнашкан авылдашларыбыз,һәлак булган райондашларыбыз турында класс җитәкчеләре Илнар абыйлары бик яхшылап аңлатты һәм сөйләде.

Бүген – 15 февраль көнне - Татарстан Республикасының халык артисты Илһам Шакировның туган көне. Аңа 85 яшь тулган булыр иде. Җырчының тормыш юлына күзәтү ясалды һәм аның башкаруында язылган җырлар видеоязмалары  укучыларга күрсәтелде.

 Әфган сугышы, аның асылы белән тирәнрәк таныштыру , Әфганстанда хәрби хезмәттә булган егетләребезгә карата хөрмәт хисләре тәрбияләү максатыннан китапханәдә “Онытылмый Әфган ярасы”   темасына  8 класс укучылары өчен дәрес үткәрелде. 

Бүген 15 февраль – патриот шагыйрь Муса Җәлилнең туган көне. Шул уңайдан  8 класс укучылары авыл китапханәсе оештырган  “Без – Җәлилле халык”  исемле кичәдә катнаштылар. Укучылар 2 командага бүленеп Муса Җәлилнең иҗаты буенча үткәрелгән викторинада  белемнәрен сынадылар.