Укучыларда география һәм биология фәннәренә карата кызыксындыру уяту өчен, мәктәбебез китапханәчесе Илдарова Ләйлә төрле фәнни һәм әдәби китаплардан күргәзмә эшләп куйды.

15-20 март аралыгында мәктәбебездә география-биология атналыгы булып узачак. Атналык алдан төзелгән план нигезендә алып барылачак.

“Мин – мастер” бәйгесендә 8 нче класс укучысы Салихов Фирзәр 3 нче урынны яулады. Укытучысы Нуруллин Рушат Фирдәвис улы. 

«Яшь автомобиль ясаучылар» район конкурсында Зиннуров Ислам 3 нче урынны яулады. Җитәкчесе – Нуруллин Рушат Фирдәвис улы.

Мәктәптә директорның тәрбия эшләре буенча урынбасары Закирова Ландыш җитәкчелегендә 5-11 нче класс  укучылары катнашында “Ягез әле, кызлар!” кичәсе үтте. Кичәдә төрле конкурслар җыр-биюләр белән бергә үрелеп барды.

4 нче март көнне районкүләмендә инглиз телендә театр конкурсы булды. Инглиз теле укытучысы Галимарданова Нәркизә җитәкчелегендә 8 нче класс укучылары Оскар Уайльдның “Кентервельское приведение” әсәрен сәхнәләштерделәр.

Сәфәр урта мәктәбендә класс җитәкчеcе Фазлыева Гөлгенә  җитәкчелегендә 1 нче класс укучыларының Әлифба бәйрәме үтте.

3 нче март көнне, балалар иҗат үзәгендә “ Мин-булачак эшмәкәр...” бизнес идеяларын яклау конкурсы булып узды. Анда безнең мәктәпнең 8 класс укучысы Салихов Фирзәр үзенең “ Авылда йорт куянннарын үстерү һәм үрчетү” дигән бизнес-идеясы белән катнашты. Аңа уңышлар телибез!

6 нчы март ЮИД отрядларының туган көне уңаеннан Сәфәр урта мәктәбендә ЮИД отряды кураторы Галимова Гөлнар җитәкчелегендә башлангыч класс укучыларына “Уткүз патшалыгында” дигән кичә үткәрелде. 

3.03.21 көнне Актанышта мәктәп  укчылары арасында үткәрелгән “Профдебют” конкурсында укытучылары Нуруллин Рушат һәм Төхбәгалиева Илина җитәкчелегендә Сәфәр урта  мәктәбенең 8 нче класс  укучылары Салихов Фирзәр “Сварочные работы”, Султанова Нәзилә “Поварское дело”  компетенциясендә катнашып кайттылар.