12 март көнне  9-11 класс укучылары өчен Казан кооператив институтыннан килгән белгечләр  белән очрашу узды. Алар 11 белгечлек буенча мәгълүмат белән таныштылар. Укучыларга профессия сайлауда уңышлар телибез!

6 нчы сыйныф укучылары өлкәннәргә дә булышалар, класстан тыш эшләрдә дә бик актив һәм бик теләп катнашалар. Алар ярдәме белән 12 март көнне һәйкәл алды кардан чистартылды

11 нче март көнне Актанышта уздырылган вокаль ансамбль һәм  хореография номинацияләре буенча  «Йолдызлык»ның сайлап алу туры булды. Укучыларыбыз уңышлы чыгыш ясап кайттылар.

2015 ел Татарстанда “Парклар һәм скверлар елы “ дип игълан ителде. Шушы уңайдан Актаныш муниципаль районында рәсемнәр , макетлар конкурсы уздырыла. Бүген , ягъни 12 март көнне, Сәфәр урта мәктәбе укучысы Шарифҗанова Айзирә бу конкурста мәктәбебез данын яклаячак. Уңышлар сиңа, Айзирә!  

5.03-7.03.2015 көнне Мамадыш районында уздырылган  баскетбол буенча зона ярышында безнең кызлар командасы III урын алып кайттылар. Аларга алга табада уңышлар телибез.

10 нчы март көнне Актанышта уздырылган вокаль соло һәм конферанс номинацияләре буенча  «Йолдызлык»ның сайлап алу турында Марданова Элина , Шарифзянова Айзирә һәм Газизянов Азатлар  катнашты.

7 нче март көнне 2-3 класс укучылары 8 Март бәйрәмен билгеләп уздылар. Бәйрәм балаларның котлаулары белән башланып китте. Кичәдә әниләр ике командага бүленеп ярышларда катнаштылар,әниләргә багышланган җырлар җырланды.

Бәйрәмнәргә ветеран укытучыларны чакыру – мәктәбебезнең күркәм традицияләренең берсе. Менә бүген дә, хатын-кызлар бәйрәме уңаеннан, хөрмәтле өлкәннәребезне кунакка чакырдык. Бәйрәм бик күңелле үтте. Укытучыларыбыз үзләре әзерләгән концертны күрсәттеләр, ир-егетләребез тарафыннан матур теләкләр теләнде.

16  нчы февраль көнне район башлангыч класс укучылары арасында уздырылган “Иң яхшы эзләнүле проект эше” конкурсында 3 нче класс укучысы Элина Марданова II урынны алды. Киләчәктә дә аңа уңышлар телибез!

Кадерле хатын-кызлар! Сезне ихлас күңелдән язның иң гүзәл бәйрәме –    Халыкара хатын-кызлар көне белән тәбрик итәбез. Хатын-кыз табигатьнең бар назын, яктысын, җылысын йөрәгенә туплаган, ул мәхәббәт, яшәү чыганагы булып тора. Сез бөек җиңүләргә рухландыручы да, гаилә учагын саклаучы да, тормышыбызны гөлгә-ямьгә төрүче дә. Нәфис җилкәләрегездә җәмгыятебезнең сәяси һәм сәнәгати йөген да тартып барасыз. Әниләребез, әбиләребез, апаларыбыз, сеңелләребез буларак, без сезне яратабыз һәм хөрмәт итәбез.