7 нче апрель көнне  5-7 класслар арасында “ Картаны иң яхшы белүче” конкурсы үткәрелде. Бу конкурста җиңүчеләр булып түбәндәге укучылар табылды: Илдаров Айгиз-1 урын, Шарифянов Данияр-2 урын, Нуруллин Рафил -3 урын. Аларга киләчәктә уңышлар телибез.

Безнең мәктәптә бик күп матур гөлләр үстерелә. Алар мәктәп коридорында һәм классларда урнашканнар. 7 апрель көнне биология укытучысы Илнар Шәйхенурович һәм тәрбия эшләре буенча директор урынбасары Ландыш Җәүдәтовна гөлләрне карап аларны барладылар һәм иң матурларын ачыкладылар. 

Бу атнада башланып киткән география-биология атналыгы кысаларында  9 класс кызлары “Герой-шәһәрләр Бөек Ватан сугышы тарихында ”-дип исемләнгән чыгышлар белән 5-11 класс укучыларын таныштырдылар. Укучылар бик кызыксынып аларны тыңладылар.

Җиргә матур яз ае килде. Җылы яклардан күчмә кошлар кайталар. Һәр елны  безнең мәктәптә, матур традициягә  кереп киткән сыерчык оялары ясау конкурсы үткәрелә. Бу эштә барлык класслар да катнаша. Оялар мәктәп янындагы агачларга эленеп куелачак

Сегодня  6 апреля с 14:00 до 16:00 часов состоялся вебинар "Оценка качества образования в начальной школе в соответствии с ФГОС в 2015 году (организация и проведение)". На вебинаре на базе МБОУ “Сафаровская СОШ” участвовали 6 учителей: учителя  Сафаровской СОШ – Мирзагитова Ф.Р., Фазлыева Г.И.,  Гилмуллина Г.Т., учитель из Кировской СОШ Самигуллина Ф.И., Нуриева Г.Р.(Бугадинская ООШ), Манихова Э.М. (Алимовская ООШ).

Мәктәбебездә төрле очрашулар еш булып тора. Бүген  Муса Җәлил исемендәге Минзәлә педагогия колледжы  вәкилләре безнең укучылар белән очрашу үткәрделәр.

Безнең  мәктәпнең  рәсем сәнгать мәктәбенә йөрүче укучылары   Исмагилова Адилә һәм Салихов Фирзәр бөтенроссия рәсем конкурсының җиңүчеләре булдылар. Адилә 1 урын яулады,Фирзәр лауреат  булды.  Алар диплом белән бүләкләнделәр. Киләчәктә дә аларга уңышлар телибез.

Буген, ягъни 3 нче апрель  көнне, безнең мәктәптә пожар куркынычсызлыгын тикшерү  максатыннан  эвакуация үткәрелеп каралды. Мәктәптәге барлык укучылар, укытучылар һәм техник хезмәткәрләр  тиз арада  чыга алдылар һәм вакыт регламентына сыештылар.

30-31 нче март көннәрендә  Актаныш муниципаль районы башлыгы призына үткәрелгән  татарча көрәш бәйгесендә мәктәбебезнең 9 класс укучысы Сибгатуллин Айрат  55 кг авырлыкта чыгыш ясап  1 нче урынны яулап кайтты. Аны зур җинүе белән котлыйбыз, киләчәктә дә уңышлар телибез.

Яз җиткәч юлда техника, велосипедта йөрүче балаларның саны арта.Шул уңайдан 6 класс укучыларына  Илнар Шәйхенурович  юл йөрү кагыйдәләре турында тагын бер кат искәртеп, аңлатып тәрбия сәгате үткәрде.Юлларда имин йөрик!