В 10-11 классах прошёл классный час на тему «Твой профессиональный маршрут». Ребята получили информацию о ситуации на рынке труда, об услугах и программах Центра занятости населения, о востребованных профессиях, вариантах и условиях обучения. 

6 нчы класс укучылары даими рәвештә дөнья, Россия, Татарстан  Республикасы һәм спорт яңалыклары белән танышып баралар.  Закиров Айгиз һәм Хайбуллина Наилә 14 нче апрель көнне иптәшләрен  барлык яңалыклар белән дә таныштырып чыктылар.

13 нче апрельдән  мәктәптә башлангыч класслар  атналыгы  игълан ителде. Һәр үтәсе эш һәм чараларның планы төзелде.

Алдагы елда ОРКСЭ фәнен укыту буенча ата – аналар җыелышы уздыруның көне билгеләнде һәм 3 класс укучыларының  әти – әниләренә хәбәр ителде. Әлеге җыелыш 20 апрельдә булачак. Әти-әниләр Сезне көтеп калабыз!

9, 10 нчы апрель көннәрендә 4 класс укучылары һәм ата – аналары анкета тутырдылар. Әти-әниләр балаларының укулары, мәктәптә һәм өйдәге шөгыльләре, укучылар мониторинг алдыннан  һәм, гомумән уз – үзләрен ничек хис итүләре турында мәгълүмат бирделәр. 

Узган атнада булып узган география-биология атналыгына нәтиҗәләр ясалды. Атналыкта актив катнашкан укучыларга истәлек бүләкләре һәм грамоталар тапшырылды.

10 нчы апрель көнне урта мәктәпләр арасында узган баскетбол ярышында безнең кызлар командасына тиңнәр булмады. Алар мактаулы 1 нче урынны алып кайтты. Афәрин кызлар! Алга таба да сезгә уңышлар елмайсын.

Укучыларның танып-белү активлыгын үстерү, аларның белем дәрәҗәләрен арттыру максатыннан 5 класс укучыларына “ Материклар һәм илләр буйлап” дип исемләнгән видеороликлар  күрсәтелде.  Ахырдан каралган роликлар буенча фикерләр алышынды.

7 нче класслар белән  “ Кем? Кайда? Кайчан?” география-биология фәннәре буенча  викторина  үткәрелде. Класс 2 командага бүленеп узара көч сынашты: “ Яшь географлар” һәм “ География галимнәре”. Киеренке көрәштә 26,5:20,5 исәбе белән “ География галимнәре” командасы җиңү яулады.

Мәктәп китапханәсендә төрле күргәзмәләр оештырып торыла. Бу атнада география һәм биология  фәннәре буенча төрле китаплар, плакатлар, видеодисклардан торучы  күргәзмә оештырылды.