Шарапова Фәрсия Фәһим кызы:

   Бакчабызның иң кечкенәләре дә әтиләрен бәйрәм белән үзләренчә кызыклы итеп, тәрбияче апалары ярдәмендә, әтиләре белән төшкән фотолардан котлау стенды ясап тәбрик иттеләр. Балаларының тапшырган фото-открыткалар әтиләрнең күңеленә бигрәк тә хуш килде.

Халилова Айназ Айдаш кызы:

Хөрмәтле ата-аналар! Безнең бакчабызда 23 февраль, 8 март бәйрәмнәре уңаеннан бәйрәм иртәләре уздырылачак.

21 февраль- мәктәпкә әзерлек төркеме 16.00

1 март- зурлар Б төркеме 16.00

2 март- зурлар В төркеме 16.00

5 март- уртанчылар төркеме 16.00

6 март- 2 кечкенәләр төркеме 9.30

7 март- кечкенәләр төркеме 9.30

Барыгызны да бәйрәмдә көтеп калабыз!

Мәзнәвиева Миләүшә Роберт кызы:

Безнең балалар бакчасының зулар "Б" һәм зурлар "В"  төркеме балалары, тәрбияче апалары белән полиция бүлегенә экскурсиягә бардылар. Анда аларны яшүсмерләр белән эшләүче Нурия апалары каршы алды. Хезмәткәрләрнең нинди эш башкарулары белән таныштырды. Ә соңыннан экскурсиябезне полиция хезмәткәрләре музеенда дәвам иттек. Безне анда отставкада булган майор - Вахитов Васил Гапделхак улы каршы алды. Ул балаларга музейда сакланган истәлекләр турында бик кызыклы итеп мәгълумат бирде, форма, фотографияләр күрсәтте. Балалар өчен бик кызыклы һәм үзенчәлекле әлеге экскурсияне оештырганнары өчен полиция хезмәткәрләренә рәхмәт әйтеп, без бакчабызга кайтып киттек. 

Халилова Айназ Айдаш кызы:

Бакчабыз балалары район мәдәният йортында үткәрелгән "Созвездие-Йолдызлык-2018" фестиваленең район этабында катнашып 2 нче дәрәҗә лауреат исемен алдылар. Котлыйбыз! Киләчәктә дә зур уңышар телибез!

Солтанова Ләлә Илфар кызы:

14 февраль -" Изге Вәли" көнне, балалар белән иң якын кешеләре - әти-әниләренә бүләк әзерләдек. Оригами ысулы белән йөрәк ясадык аларга. Безнең бүләкләр хөрмәтле әти-әниләребезнең йөрәкләрен җылыткандыр дип уйлыйбыз. 

Марданова АйгөлДамир кызы:

11 февраль көнне 2010 нчы елга кадәрле туган балалар арасында "Кубок Надежды" районкүләм шахмат турниры булып узды. Бу бәйгедә безнең мәктәпкә әзерлек төркеме балалары да уңышлы чыгыш ясадылар һәм грамота, медаль белән бүләкләнделәр.

Арысланов Әмир - I урын

Шарипов Раяз - II урын

Аларга алдагы бәйгеләрдә дә уңышлар телибез! Афәрин, малайлар!

Безнең бакчада бүген "Йолдызлык" республикакүләм бәйгенең 1 нче туры узды. Кечкенә йолдызчыкларыбыз үзләренең талантларын килгән жюри әгъзаларына күрсәтеп уңышлы гына чыгыш ясадылар.

Бүген, 2 нче балалар бакчасы базасы кысаларында "Иң яхшы мастер-класс" район бәйгесе үткәрелде. Безнең бакчабыз данын яклап, тәрбияче Аглямова Миләүшә Васил кызы катнашты. Үзенең "Сихри лампа" дип исемләнгән мастер-классын күрсәтеп 3 урын яулады. Афәрин, котлыйбыз! Киләчәктә дә уңышлар теләп калабыз

Бүген 6 нчы балалар бакчасы базасында "Ел тәрбиячесе-2018" бәйгесенең район турының икенче көне узды. Безнең балалар бакчасыннан Газизова Элвира Дилшат кызы катнашып, "Иң креатив тәрбияче" исеменә лаек дип табылды. Котлыйбыз! Киләчәктә яңа уңышларга ирешүегезне теләп калабыз.

2017 нче елда югары күрсәткечләргә ирешкән район үзәге балалар бакчалары арасындагы бәйгедә 3 нче урын яулаган безнең балалар бакчасын чын күңелдән тәбрик итәбез. Киләчәктә тагын да югары үрләргә ирешергә язсын, хөрмәтле хезмәттәшләр.