Муниципальное бюджетное общеобразовательное учреждение «Новоалимовская основная общеобразовательная школа» Актанышского муниципального района Республики Татарстан / Татарстан Республикасы Актаныш муниципаль районы "Яңа Әлем төп гомуми белем бирү мәктәбе" муниципаль бюджет гомуми белем бирү учреждениесе
Визитная карточка
Адрес: | 423762, Республика Татарстан, Актанышский район, с.Новое Алимово, ул.Г.Тукая, д.54 |
Телефон: | 8(85552)6-09-11; 8-927-491-23-05 |
E-Mail: | alimovo@mail.ru; ramzilaxmetow@yandex.ru |
Министерство: | Министерство образования и науки Республики Татарстан |
Короткое название: | МБОУ "Новоалимовская ООШ" |
Руководитель: | Ахметов Рамзиль Хузагалиевич |
Год основания учреждения: | 1976 |
У нас учатся: | 94 учащихся |
У нас учат: | 14 педагогов |
Муниципальное бюджетное общеобразовательное учреждение «Новоалимовская основная общеобразовательная школа» Актанышского муниципального района Республики Татарстан / Татарстан Республикасы Актаныш муниципаль районы "Яңа Әлем төп гомуми белем бирү мәктәбе" муниципаль бюджет гомуми белем бирү учреждениесе - новости
Страницы: << 11 12 13 14 15 ( 16 ) 17 18 19 20 >>
-
"Җәннәт - аналарның аяк астында" дип аталган әхлак дәресе уздырылды 02.03.2023
Ветеран укытучыбыз Тәхия Әхтәм кызы "Җәннәт - аналарның аяк астында" дип аталган әхлак дәресе уздырды. Пәйгамбәребезнең бу хәдисе нинди мәгънәгә ия соң? Тәрбияле бала анасына карата мәрхәмәтле, рәхим-шәфкатьле, кайгыртучан булырга, ананы рәнҗетмәскә, ярдәм итәргә тиеш. Риваятьләрдә сөйләнгәнчә, анаңны аркаңа салып, Хаҗга алып барып, аны күтәреп, Кәгъбәтулла тирәли йөреп чыгып та, ана хакын үтәп булмый. Тормышта мәрхәмәтле булыйк.
-
“Созвездие-Йолдызлык-2023” гала-концерты 01.03.2023
Районда "Созвездие-Йолдызлык - 2023" фестиваленең муниципаль этабы тәмамланды. Муниципаль этапта төп гомуми белем бирү мәктәпләре арасында мәктәбебез 2 урынны яулады! Без укытучыларга һәм сәләтле укучыларыбызга иң матур һәм сыйфатлы концерт номерлары белән шатландырулары өчен һәм фестивальгә яхшы әзерләнгәннәре өчен рәхмәтебезне белдерәбез! Котлыйбыз һәм сезгә иҗади уңышлар телибез!
-
1 нче март – Халыкара гражданнар оборонасы көне 01.03.2023
Язның беренче көнендә Бөтендөнья гражданнар оборонасы көне билгеләп үтелә. Бу бәйрәм Гражданнар оборонасы турында белемнәрне пропагандалау һәм тарату, тәҗрибә уртаклашу, халыкны әзерләү, гражданнарны яклау өлкәсендә халыкара хезмәттәшлекне үстерү һәм ныгыту, тормыш иминлеге культурасын формалаштыру максатларында гамәлгә куелган. Бәйрәм көне (1972 елның 1 марты) халыкара Гражданнар оборонасы оешмасы Уставының үз көченә керү көне итеп сайланды, аны кабул итү хөкүмәтара оешма статусын бирде. Бүген бу бәйрәм хөрмәтенә 8 сыйныфта тормыш иминлеге нигезләре фәненнән ачык дәрес үтте. Дәресне беренче квалификация категорияле ОБЖ һәм физкультура укытучысы Мөхәммәтов Миннәхмәт Зөлкирам улы үткәрде.
-
Әтиләр белән ярыш үткәрелде 22.02.2023
23 февраль - Ватанны саклаучылар көне уңаеннан мәктәптә ата-аналар, укучылар катнашында "Күңелле ярышлар" уздырылды. Чарада әтиләр үзләренең җитезлекләрен, көчләрен сынадылар. Ярышлар бик җанлы, кызыклы узды. Бәйрәм чарасы чәй табыны янында дәвам итте. Җанатар әниләр, укучылар, барлык ярышта катнашучы әтиләр күңелле бәйрәмнән рухи байлык алып, күтәренке кәеф белән таралыштылар.
-
Халыкара туган тел көне 21.02.2023
21 февральдә Халыкара туган тел көне билгеләп үтелә. Әлеге бәйрәм дөньядагы телләрне саклау, аларны киләчәк буынга тиешле дәрәҗәдә җиткерү белән бәйле. Бүгенге көндә галимнәр җир шарында 7 меңнән артык тел булуын әйтәләр. Һәр халыкның теле үзенчәлекле, матур һәм бай. Күп телләр белү дөньяга карашны киңәйтә, төрле милләт халкының мәдәниятен тирәнрәк белергә ярдәм итә. Шулай да туган тел дип аталучы тел бер генә була. Мәктәптә туган тел көне уңаеннан "Хикмәтле дә, бизәкле дә туган тел!" исеме астында интеллектуаль уен уздырылды. Укучылар сорауларга җавап бирделәр, бер-берсенә мәкальләр әйттеләр, белемнәрен ныгыттылар.
-
И туган тел, и матур тел 21.02.2023
Халыкара туган тел көне — 21 февраль көнне билгеләнгән, ЮНЕСКО Генераль конференциясе тарафыннан игълан ителгән халыкара бәйрәм. Бөтен дөньядагы туган телләрне, аеруча азсанлы халыкларның телләрен, тануга, үстерүгә булышлык итү максатында, 1999 елның 17 ноябрендә ЮНЕСКОның генераль конференциясендә Халыкара туган тел көнен билгеләү турында карар кабул ителә. 2000 елның февраленнән башлап ел саен тел һәм мәдәниятныңтөрлелегенә һәм күптеллелегенә ярдәм итү максатыннан дөньякүләм билгеләп үтелә. Шул уңайдан башлангыч класс укучылары белән, авыл китапханәчесе Имамова Рима Риф кызы, "И туган тел, и матур тел" исеме астында әңгәмә үткәрде.
-
Якташларыбыз 2022 елның иң яхшы көрәшчеләре 18.02.2023
Якташларыбыз Руслан Ришат улы Нургалиев һәм Илфир Илфат улы Әнвәров - "2022 елның иң яхшы көрәшчеләре" исеменә лаек булдылар. Аларны без дә тәбрик итәбез!
"Лучшими борцами 2022 года" стали наши земляки Руслан Ришатович Нургалиев и Ильфир Ильфатович Анваров. Мы их тоже поздравляем!
-
Патриотик тәрбия чарасы 17.02.2023
Нәрсә ул батырлык? Батырлык ул - кыюлык, гайрәт, тәвәкәллек, кирәк булганда, үз-үзеңне аямау. "Геройлар белән аралашу" дип аталган россиякүләм проект кысаларында, мәктәбебездә Геройлар белән очрашу уздырылды. Чечня сугышында катнашкан авылдашларыбыз Хасанов Тимерҗан, Галеев Фаяз, Актаныштан Вагыйз абый патриотик чарада катнаштылар. Үзләренең хезмәт иткән вакытларын искә төшереп, укучыларны сәламәтлекләрен сакларга, ныгытырга чакырдылар. Барыбызның да теләге бер - илләребез тыныч, күкләребез аяз булсын. Ватанны саклаучы егетләребез, абыйларыбыз, әтиләребез исән-имин туган якларына әйләнеп кайтсыннар дигән теләктә калабыз.
-
Район башлыгы махсус хәрби операциядә яраланган авылдашыбызның хәлен белде 16.02.2023
Район башлыгы Ленар Рафак улы, яраланып, Казан госпиталендә дәваланган Рафик Гыйлфанов янында булып күчтәнәчләр тапшырды. "Бүген Казанда булу форсатыннан файдаланып, госпитальдә дәваланып яткан Әлем егете Рафикның хәлен белеп, күчтәнәчләр китердек. Терелергә һәм исән-имин туган якларга кайтырга язсын!" дип яза ул үзенең рәсми Телеграм каналында. Рафик, мәктәбебезнең әтиләр Советы әгъзасы, махсус хәрби операциягә икенче төркем мобилизацияләнгән райондашларыбыз белән киткән иде. Яраланган, дәваланырга дип туган якларына кайтардылар. Бүгенге көндә хәле яхшы, шөкер алга таба.
-
15 февраль - Муса Җәлилнең туган көне 15.02.2023
15 февраль - татар халкының каһарман улы, Советлар Союзы Герое, Ленин премиясе лауреаты, шагыйрь Муса Җәлилнең туган көне. Шул уңайдан, мәктәбебезнең "Үсеш ноктасы" үзәгендә шагыйрьнең иҗатына багышланган кичә узды. Укучылар герой-шагыйрьнең шигырьләрен искә төшерделәр, сорауларга җавап бирделәр.