27-28 декабрь көннәрендә районыбызда Талантлылар Университеты дип исмләнгән уку оештырылды. Мәктәбебездән 2 укучы- Галимарданова Зилә, Сагбетдинова Розанналар катнашты. Укучылар Балалар оешмасы, Укучылар советы эшчәнлеген оештыруда  бу укуның бик тә кирәкле булуын ассызыкладылар.

27 декабрь көнне районыбызда Хакимият елкасы үтте. Мәктәбебездән 4 укучы катнашу бәхетенә иреште. "Бүләк" тә үткән бу очрашу елкасы укучыларыбыз күңелендә матур хатирәләр булып уелып калыр.

24-25 декабрь көннәрендә мәктәбебездә Яңа ел бәйрәмнәре гөрләп узды. 24 көнне- башлангыч класслар -Чыршы бәйрәмен уздырсалар, югары класслар 25 декабрь көнне Балмаскарадта булдылар. Һәркем өчен якын булган бу бәйрәм укучылар күңелендә дә матур харирәләр булып озак сакланыр.

25 декабрь көнне Казан шәһәрендә үткән  Президент елкасында  мәктәбебезнең 10 класс укучысы Ахсанова Илүзә катнашты. "Рус эстрадасыннан Юлианна Караулова белән очрашу матур хатирәләр белән уелып кала, "Әкиятнең кайтуы" дип исемләнгән тамаша да  кызыклы хисләр уятты" ди укучыбыз.

24 декабрь көнне Чаллы шәһәрендә оештырылган РИТЭК Елкасында мәктәбебездән 2 укучы- Хуҗина Азилә, Сагбетдинова Розанналар булып кайттылар. Яңа ел тамашасы карап, күчтәнәч пакетлары алып,  сөенеп кайтыр юлга чыктылар.

18 декабрь көнне  мәктәп директорлары, аларның тәрбия эшләре буенча урынбасарларының район семинары булып узды. Семинарның темасы- "Мәктәп һәм гаилә бердәмлеге" дип аталды. Мәктәпнең 7 укытучысы ачык дәресләр әзерләделәр. Темадан чыгып, ата-аналар укучыларга мастер класс күрсәттеләр. Өченче өлештә гаиләләр белән берлектә "Йолдыз-йолдызчыклар" дип исемләнгән концерт программасы оештырылды. Семинар үз югарылыгында узды. 

13 декабрь көнне мәктәбебездә "Ел укытучысы" район бәйгесенең зона өлеше үтте. Бу бәйгедә  безнең мәктәптән  география -физика укытучысы Хафизова Резеда Фердинантовна катнашты. 

12 декабрь көнне мәктәбебезгә Яңа Әлем мәктәбендә гомере буе укучыларга татар теле һәм әдәбияты фәнен укыткан , хәзерге көндә лаеклы ялда булса да Актаныш мәдрәсәсендә белем алып, балаларга әдәп, әхлак кагыйдәләрен өйрүтүче хөрмәтле кешебез- Усманова Тәхыя апа белән очрашу булды. Тәхыя апа сөйләгән вәгазьләр, гыйбрәтле хәлләр укучылар , укытучылар күңелендә аңа карата ихтирамны тагын да арттырды. Аз гына вакыт эчендә олы тәрбия чарасы булды ул.

Бүген 8 класста алгебрадан "Тапкырлаучыны тамыр тамгасы астына кертү" темасыннан ачык дәрес үтте.  Укытучы - Имамова Рүзилә Хаҗип кызы.

5 декабрь көнне районыбызда Фарсил Зыятдинов иҗатын тирәнтен өйрәнү максатыннан, Республикакүләм фәнни-эзләнү эше оештырылды. Мәктәбебез дә бу чарадан читтә калмады. 2укучыбыз да призлы урынга ия булдылар. Хуҗина Азилә- "Биология фәнендә  һәм матур әдәбиятта шомырт" , Әхсәнова Илүзә - "Фарсил Зыятдинов әсәрләре- төп тәрбия чарасы ул" темаларына фәнни эшләрен тәкъдим иттеләр.