18 январь көнне районыбызның Кадет мәктәбендә "Растим патриотов России" республика бәйгесенең район этабы үтте. Мәктәбебез укучылары актив катнашып, 2 урынны алдылар.

15 январь көнне 9,11 класс укучыларының ОГЭ,ЕГЭ га әзерлеге буенча ата-аналары җыелышы үткәрелде. Мәктәп директоры, укыту эшләре буенча директор урынбасары, фән укытучылары катнашында үткән бу җыелыш ата-аналарга бик кирәкле һәм файдалы булды.

7 гыйнвар көнне районыбызда сәләтле укучылар өчен Хакимият елкасы үткәрелде. Район Мәдәният йортында әкият тамашасы каршы алды укучыларны. Яңадан район хакимият башлыгы Э.Н.Фәттахов тәбрик сүзе белән чыкты. Җылы фикерләрен җиткерде, уңышлар теләде. Кичке якта тагын бер тамаша көткән икән икән балаларны. Казан тимераякта шуу мәктәбе укучылары безнең балаларны үзләренеп матур биюләре, чыгышлары белән шаккаттырдылар.Укучыларыбыз шундый матур хисләр кичереп, рәхмәтләр әйтеп кайтыр юлга кузгалдылар.

Каникул чорында 9,11 класс укучылары өчен имтиханнарга әзерлек консультацияләре оештырылды.

"Тамчы" балалар бакчасында 26-27 декабрь көннәрендә Яңа ел бәйрәмнәре гөрләп узды. Кыш бабай , Кар кызы нәниләрне бүләк-күчтәнәчләре белән сөендерде.

25 декабрь көнне мәктәп хезмәткәрләренең профсоюз елкасы оештырылды.

25-31 декабрь көннәрендә мәктәбебездә "Урманай" кышкы лагере оештырылды. Лагерьга 15 укучы йөри. Укучылар саф һавада төрле спорт уеннары уйныйлар, чаңгыда, чанада шуалар. Түгәрәкләргә йөриләр, Яңа ел тамашалары карыйлар. 

22-23 декабрь көннәрендә мәктәбебездә Яңа ел бәйрәмнәре үтте. 1-4 класслар, 5-11 класс укучылары үз группаларында рәхәтләнеп бәйрәм ясадылар, ял иттеләр. 

18 декабрь көнне мәктәп коллективы авылыбыз мәдәният йорты каршына кар сыннары эшләде.

12 декабрь көнне РФ Конституциясе көне уңаеннан мәктәбебездә ачык класс сәгате үтте. Тарих, җәмгыять фәне укытучысы Ришат Мансур улы Касыймов илебезнең патша чорыннан алып, хәзерге көнгәчә тарихына күзәтү ясады, тәфсилләп сөйләде. Чара ахырында РФ һәм ТР Гимны башкарылды.