9 апрель көнне класс сәгатьләре Космонавтика көненә багышланды. Укучылар Юрий Гагарин тормышы турында кино карадылар. Сорауларына җавап таптылар. 

8-13 апрель көннәре мәктәбебездә биология-география атналыгы дип игълан ителде. Укучылар линейкасында атналыкны ачу тантанасы оештырылды. 

6 апрель көнне мәктәбебезнең кызлар командасы баскетбол ярышында район буенча 2 урынга ия булдылар. Уңышлары белән котлыйбыз!

4 апрель көнне авыл мәдәният йортында "Тамчы" балалар бакчасы балалары, аның коллективы авыл халкына "Мин бит авыл баласы" дип исемләнгән концерт тәкъдим итте. Мәктәпнең киләчәге булган бу балалар бу көнне биеде, җырлары, шигырь сөйләде. Һәр ата-ана балаларга сокланып карап утырды, алар белән ял итте.

1-3 апрель көннәрендә  мәктәбебез укучылары кошларыбызны үз куллары белән эшләнгән оялары белән куандырдылар. Һәр класстан 2шәр сыерчык оясы ясадылар алар. Сыерчыклар ояларны үз итте. Матур тавышлары белән тирә-юньгә ямь өстәделәр. 

29 март көнне авыл мәдәният йортында Актаныш №1, №2, Сәфәр, Киров урта мәктәбе, авылыбызның "Тамчы" балалар бакчасы коллективы катнашында "Дуслык күпере" концерты оештырылды. Концерт һәркемгә дә ошады. Укучылар ул көнне бер-берсе белән җылы аралаштылар, дуслаштылар.

23-28.март көннәрендә Казан шәһәрендә "Университет талантов" профиль сменасы оештырылды. Районыбыздан 30дан артык укучы монда катнашты. Мәктәбебездән 7 класс укучысы Сагбетдинова Розанна да катнашу хокукын алды. Ял итеп, белем туплап кайтты.

22 март көнне мәктәбебездә Нәүрүз бәйрәме билгеләп үтелде.  Җирлегебез башлыгы Мингазов Флорит Габидин улы, "Тамчы" балалар бакчасы коллективы, мәдәният йорты хезмәткәрләре, мәктәп коллективы катнашты. Нәүрүз бәйрәменә багышланган сценарий белән башланып киткән бу чара самавыр янында коймак, Дуслык боткасы белән сыйлану белән дәвам итте. Бу көнне бары да шат, күңелле итеп ял итте, уеннарда катнашты, җыр - биюләр оештырылды.

19 март көнне районда "Без бергә"республикакүләм бәйгенең муниципаль этабының шигырь сөйләү, мода күрсәтү этаплары булып үтте. Мәктәбебездзн дә Мода театры катнашты. 

7 март көнне район мәдәният йортында районыбызның хатын-кызларын хөрмәтләү бәйрәме булды. Җиләк-җимеш, төрле конфет, чәйләр, кипкән җиләк-җимешләрдән әзерләнгән оригиналь букетлар бәйгесе белән башланып киткән бәйрәм, БР Туймазы Драма театры тәкъдим иткән Э.Яһудинның әсәрен сәхнәләштерү белән дәвам итте. Бу бәйрәмдә һәр хатын-кыз ял итеп, күңеле булып, чәчәк гөлләмәләре кабул итеп таралышты.