Гимназиябез укучылары, әти-әниләре үзләренең игелекле, мәрхәмәтле булулары, һәрвакыт ярдәмгә әзер булулары белән безне гел сокландыралар! Көчле рухлы, физик мөмкинлекләре чикләнгән балаларга Яңа ел күчтәнәчләре әзерләүгә дә бердәм кушылды алар. Рәхмәт сезгә, игелек игелеккә илтә!

1А класс укучылары "Каенкай" балалар бакчасында кунакта булып кайттылар. Мәктәпкә әзерлек төркеме балалары тарафыннан күрсәтелгән «Куян кызы» әкиятен зур соклану белән карагач, тәрбияче апалар үткәргән мастер-класста катнаштылар. Якынлашып килүче Яңа ел бәйрәменә төрле уенчыклар да ясадылар алар.

Гимназиябез интернатында "Әкиятләр иленә сәяхәт" дигән уен узды. Балалар, өч командага бүленеп, әкиятнең өзеген тыңлап, әсәрнең исемен әйтергә тиеш иде. "Өч баһадир" командасы үзләренең тапкырлыгын күрсәтеп, җинүче булды. Тәрбияче Исламова Зөлфия Зәет кызы.

Гимназиябезнең математика укытучысы Фәрдиева Регина Равил кызы "Белем бирү оешмасында ФГОСны гамәли гамәлгә ашыру: дәрес һәм турыдан-туры белем бирү эшчәнлеге» номинациясендә, табигый-математик цикл өлешендә аның хезмәте лаеклы бәя алды. Регина Равил кызы, котлыйбыз!!!

5А сыйныфы укучысы Адилә Харисовадан солдатка хат - меңнәрчә чакрым үтеп барачак Туган як сәламе, Өмет һәм Ышаныч.

Яңа елга теләкләр - 5 сыйныф укучысы Азалия Хафизова.

Инвалидлар декадасында, гимназиябезнең "Ялкын" иҗтимагый балалар оешмасы шефлыкка алган өч балага, ел да, Кыш Бабай күчтәнәче бүләк итә! Быел да әлеге акциягә укучылар актив кушылды. Кулдан эшләнгән открыткалар, бүләкләр, уенчыклар, тәм-томнар, мандариннар, кечкенә соклар 219 бүлмәдә туплана.

Игътибар!!! Бүләкләр 7 декабрьга кадәр генә кабул ителә!

Гимназиябездә Яңа елга багышланган кул эшләре (Совет чоры уенчыклары), стенгазеталар һәм рәсемнәр конкурсы игълан ителә! Кул эшләре размеры: 50 сантиметрдан 1 метрга кадәр,
стенгазеталар форматы: А3 (А2, А1 да ярый).

"Ялкын" иҗтимагый балалар оешмасы волонтерлар отряды кызлары. Волонтерлар көне белән!

Инвалидлар декадасын дәвам итеп, 6а, 6б сыйныфларында Дания Нәгыймнең "Бөртекләп җыелган гомер" китабы буенча буктрейлер күрсәтелде. Бу повесть укучыларыбызны тормыш авырлыкларына түзәргә һәм каушап калмаска өнди.