Бүген – 28 ноябрь көнне, гимназиябездә "Разговоры о важном – Мөһим темага сөйләшү" сыйныф дәресләре "Россия символлары" турында сөйләшүгә багышланды. Әлеге фотода 3В сыйныфы укучылары класс җитәкчесе Дилара Дуглас кызы Хөббетдинова белән дәрес вакытында.

Дзюдо белән шөгыльләнүче егет-кызларыбыз бүген аеруча да сөенечле мизгелләр кичерделәр! Район һәм республика данын яклап ярышларга йөрү һәм тагын да нәтиҗәлерәк шөгыльләнү өчен Татарстан Республикасы Дзюдо Федерациясе зур бүләк ясады аларга! Гимназиябез командасына 16 кимоно бүләк ителде. Гимназиябез директоры Венера Хәмәтнәсыйх кызы Хәевага һәм ТР Дзюдо федерациясе Президенты Павел Михайлович Николаевка зур рәхмәт!!!

2В сыйныфында Әниләр бәйрәме үтте. Укучылар әниләрен үз кул эшләре белән шатландырды.

5А, 5Б, 5В сыйныф кызлары технология дәресендә, Лилия Глүс кызы белән бергәләп, бик матур шкатулка ясадылар. Зәвык белән бизәделәр, чәчкәләр дә ясадылар. Әниләргә бик матур бүләк!

Бәшир Рәмиев исемендәге яңа IT-паркта гимназиябез укучылары "Дай пять!" конкурсының ачылу тантанасында катнаштылар.

4Б классында җырлы-шигырьле, уенлы Әниләр бәйрәме узды.

5В сыйныфында Әниләр көне.

Әдиятуллина Эделина, Хафизова Эвелина(7Б сыйныфы) - призерлар.
Әмирова Азалия(8В) - җиңүче.
Маликова Азалия, Мөхәммәтдинова Лиана, Сафиуллина Әдилә, Галиуллина Камилла(8В), Нигъмәтдинов Инсаф, Кирамова Зилә(8А) - призерлар.
Галимҗанова Ясмин(9А) - җиңүче.
Агумов Алмаз(11В),
Хафизова Зилә(11А) - призёрлар.
Укытучылары - Зөлфия Әсгать кызы Исламова.
Котлыйбыз!

Атналык шимбә линейкасы - дәүләт флагларын кертү.

Гимназиябезнең 10 сыйныф укучылары "Төпле шәхес" проектында катнаша. "Яшьлек" үзәгендә узучы ике көнлек укуда аларны авылда бизнес төзергә өйрәтәчәкләр.