18 нче февраль гимназия-интернатта сәламәтлек көне дип игълан ителде. Укучылар "Бүләк" чаңгы трассасында үзара ярыштылар. Җиңүчеләргә грамоталар һәм бүләкләр тапшырылды.

"Русский медвежонок - 2012" Бөтенроссия конкурсы нәтиҗәләре игълан ителде. Гимназиянең 3а сыйныф укучысы Гәрәева Адилә Татарстан Республикасы буенча 1 нче урынны алуга иреште. Котлыйбыз сине, Адилә!

18 нче февраль көнне гимназия-интернатта гуманитар айлык кысаларында "Олимпийский резерв" исеме астында КВН үтте. 7-11 нче сыйныф укучыларыннан 5 команда инглиз, татар, рус телләрен белүдә көч сынашты. Иң тапкыр, иң зирәк команда - 9 нчы сыйныф укучылары, 2 нче урында - 10 нчы сыйныф, 3 нче урыннарда - 7,8,11 ләр.

Кичә "Яшьлек" милли-мәдәни үзәктә "Татар егете - 2013" район конкурсының 1 нче этабы узды. Гимназия-интернат данын бу конкурста 9 нчы сыйныф укучысы Минһаҗев Аяз яклый.  Аңа конкурсның 2 нче этабында уңышлар телик.

Бүген гимназиянең 7 нче сыйныф укучылары КФУның Филология һәм сәнгать институты тарафыннан оештырылган инглиз теленән "Предлоги времени" исемле онлайн видеодәрестә катнаштылар.

Хәрби-патриотик айлык кысаларында гимназиянең 7-9 нчы класс укучылары өчен интернатта кичке якта "Бөек сугыш" ("Великая война") документаль фильмнар сериасын карау оештырылды.

Гимназия-интернатның инглиз теле укытучысы Ләйсән Рәшит кызы Әюпова шушы көннәрдә Казан шәһәрендә узган "Panasonic" интерактив такталарында эшләү буенча курсларда булып кайтты.

Гимназия-интернатның тарих һәм җәмгыять белемнәре укытучысы Миләүшә Магъсум кызы Абдуллина һәм инглиз теле укытучысы Рамил Марат улы Гарипов Яр Чаллы шәһәрендә узган сәләтле балаларга белем бирүдә метапредмет технологияләре куллану буенча курсларда булып кайттылар. Курслар Мәскәү шәһәренең Гомуми белемнең инновацион стратегияләре үсеше фәнни-тикшеренү институты һәм Яр Чаллы социаль-педагогик технологияләр һәм ресурслар институты тарафыннан оештырылган иде.

Кичә гимназиядә Әфганчылар көненә һәм бөек татар шагыйре Муса Җәлилнең туган көненә багышланган кичәләр үтте. Кичәләр укучыларның шигырләре, концерт номерлары белән үрелеп барды.

Актанышта кичә мәктәп укучылары арасында кышкы спартакиада ярышлары узды. Бәйгеләрдә бар мәгариф учакларыннан 31 командада яшь спортчылар көч сынашты. Укучылар шахмат, өстәл теннисы, аркан тартышу, гер күтәрүдә, шорт-трек спорт төрләре буенча ярыштылар, чаңгыда узыштылар.
Гимназия укучылары гомуми беренчелектә 3 нче урынга лаек булдылар. Аерым төрләрдә нәтиҗәләр мондый:
Шахмат ярышында - 3 нче урын, шорт-тректа Даянов Рамиль һәм Мөхәметдинова Сөмбел - 2 нче урыннар, гер спортында Салихов Илназ - 2 нче. Котлыйбыз!