1 нче март көнне Казан федераль университетының Филология һәм сәнгать институтында Татарстан Республикасында сәләтле балалар белән эшләүче полилингваль уку йортлары ачу буенча киңәшмә узды. Киңәшмәдә гимназия-интернат директоры Ләйсән Фоат кызы Нурлыева һәм аның инновацион эшчәнлек буенча урынбасары Венера Хаматнасыйх кызы Хаева-Хәмитҗанова катнаштылар һәм гимназия эшчәнлеге турында чыгыш ясадылар. 

Иң шәп әйдаман гимназия-интернатта укый. Кичә "Иң шәп әйдаман - 2013" республикакүләм конкурсының район туры узды. Гимназиянең 9 нчы сыйныф укучысы Шакирова Ләйлә конкурста җиңү яулады. Афәрин Ләйлә! Сиңа конкурсның 2 нче турында уңышлар телибез.

"Юный пользователь - 2013" районкүләм информатика олимпиадасында 9 нчы сыйныф укучысы Әхмәтшин Данил 2 нче урынны яулады. Котлыйбыз!

Бүген гимназиянең 9 нчы сыйныф укучылары КФУның Филология һәм сәнгать институты тарафыннан оештырылган инглиз теленән "Как правильно сдавать устный экзамен (Speaking Exam) при ЕГЭ и ГИА?" исемле онлайн видеодәрестә катнаштылар.

Бүген хәрби-патриотик айлык кысаларында район комиссары призына "Салют, Победа!" хәрби конкурсы башланды. 9 нчы сыйныф укучылары өчен ярыш вакытында чаңгыда узышу, турникта тартылу, АК-47 сүтеп-җыю, пневматик мылтыктан һәм гранату ату каралган. Иртәгә ярышта 10-11 нче сыйныф егетләре старт алачак. Егетләргә уңышлар теләп калыйк. 

Кичә "Яшьлек" милли-мәдәни үзәктә "Татар кызы - 2013" район конкурсының 1 нче этабы узды. Гимназия-интернат данын бу конкурста 9 нчы сыйныф укучылары Шәйхуллина Фирүзә һәм Калтакчян Ангелина яклый. Кызлар икесе дә 2 нче этапка үттеләр. Аларга уңышлар телик.

Кичә гимназиядә "Ягез әле, егетләр!" кичәсе үтте. 9 нчы һәм 11 нче класслар арасында барган бәйгедә 11ләр өстен чыкты.

Бүген гимназиянең 8-9 нчы сыйныф укучылары Казан (Идел буе) федераль унивеситетының Филология һәм сәнгать институты тарафыннан оештырылган, Татарстан Республикасы Президенты Р.Н. Миңнеханов катнашындагы онлайн-дәрестә катнаштылар. Дәресне әдәби тәнкыйтьче һәм әдәбият галиме Фоат Галимулла улы Галимуллин алып барды.

Бүген гимназия-интернатта инглиз теле укытучыларының "Актуальные аспекты преподавания английского языка" темасы астында республикакүләм семинар үтте. Семинарда КФУ ФСИ галимнәре, Мамадыш, Алабуга, Мөслим, Минзәлә һәм Актаныш районы укытучылары катнашты.

21 нче февраль көнне Казан (Идел буе) федераль университетында узган "Татар лингвокультурологиясе: проблемалар һәм перспективалар" гомуми урта, махсус урта һәм югары белем бирү йортларында укучыларның IV Бөтенроссия фәнни-гамәли конференциясендә гимназия-интернат укучылары уңышлы чыгыш ясап кайттылар. Валькова Алена, Галиева Алинә, Шәйхин Айдар һәм Галимова Айсылу үз секцияләрендә 1 нче урыннарны яуладылар. Аларны һәм укытучылары Әминова Ләйсән Галиәкбәр кызын, Хәева-Хәмитҗанова Венера Насыйх кызын һәм Әглетдинова Ландыш Филүс кызын котлыйбыз. Афәрин!