Гимназиябезнең 3А сыйныф укучысы Алмазия Закирова "Ватан белән горурланабыз! Тукай белән горурланабыз!" республика бәйгесендә катнашып, I урын яулады.
Җитәкчесе - Лилия Васик кызы Галләмова.

Гимназиябезнең 2Б сыйныф укучылары да "Үлемсез полк" акциясенә кушылдылар. Илләр тыныч, күгебез аяз булсын!!!

Бүген - 4 май көнне гимназиябездә "Разговор о важном" - "Мөһим темага сөйләшү" сыйныф дәресләрендә сөйләшү "Җиңү көне. Үлемсез полк" хакында булды.

Бөек Җиңү бәйрәменә багышланган тантаналы линейка гимназиябездә дәүләт флагларын кертүдән башланды.
Гимназиябез директоры Венера Хәмәтнәсыйх кызы Хәева-Хәмитҗанова якынлашып килүче 9 май - Җиңү бәйрәме белән котлап, районда һәм гимназиябездә узучы акцияләр, бәйрәм чаралары белән таныштырды.
Бүгенге вәзгыятькә бәйле рәвештә, "Үлемсез полк" акциясе гимназиябездә узачак. Һәр сыйныф әлеге акциягә актив кушылды.
Районда узучы чараларда да гимназиябез коллективы, укучыларыбыз катнаша. Җиңү парадында да кызларыбыз да, егетләребез дә булачак.

4Б сыйныф укучылары "Үлемсез полк", "Җиңү тәрәзә"се акциясенә кушылды.

"Разговор о важном" - "Мөһим темага сөйләшү" сыйныф дәресендә гимназиябезнең 1Б сыйныф укучылары тынычлык күгәрченнәре ясадылар һәм "Җиңү тәрәзәсе" акциясенә кушылдылар. Белгәнегезчә, мөһим сөйләшү "Җиңү көне. Үлемсез полк" хакында булды бүген. Укытучылары Гөлназ Дилшат кызы Солтанова.

"Победа глазами детей" район конкурсында 1Б сыйныф укучылары катнашып, Габделхәева Залинә - 1, Мөхәммәтдинова Ләйлә 3 урын, Хафизов Рамазан, Фахриева Ләйлә, Загертдинова Мәрьям катнашучы дипломы белән бүләкләнделәр.

Бөек Җиңү бәйрәмен каршылап, гимназиябезнең 8А сыйныф укучылары Кояш Тимбикованың "Кызыл алмалар" әсәрен сәхнәләштерде.

Бөек Җиңү бәйрәмен каршылап, гимназиябездә тарихи фактларга нигезләнгән квестлар, викториналар уза. 9А сыйныф укучылары да бүген викторина барышында үз белемнәрен сынады.