Многоборье буенча Илшат Измайлов кубогына узган район ярышында тормыш иминлеге нигезләрен укытучы Ришат Тимершәех улы Сибгатуллин җитәкчелегендә гимназиябез командасы да катнашты. Укучылар җирдән этелү, турникта тартылу, граната ыргыту, мылтыктан атуда көч сынашты. Командабыз ату буенча – I, автомат сүтеп-җыюда III урын яулады. Шәхси беренчелектә гимназиябезнең 9Б сыйныф укучысы Әмирхан Загретдинов атуда - I, автомат сүтеп-җыюда II урын яулады. Котлыйбыз!

Гимназиябезнең инглиз теле укытучылары Сания Мөдәрис кызы Гыймранова, Румия Данис кызы Темел Әлмәтнең 1 нче лицей-интернатында семинар-киңәшмәдә. Алар биредә ОГЭ/ЕГЭ - дәүләт имтиханнарына әзерлек буенча фикер алыштылар.

Бүген Казан шәһәрендә Бөтенроссия фән һәм республика олимпиадаларының йомгаклау этабы җиңүчеләре, аларны әзерләгән укутучылар хөрмәтләнде. Гимназиябездән Ильясова Энҗе, Гәрәева Рәмилә (укытучылары Шәрипова Чулпан Рәмзил кызы), Камилҗанова Динара (укытучысы Абдуллина Миләүшә Мәгъсүм кызы), Солтанов Саматны(укытучысы Фәйзуллин Рөстәм Уел улы) ихластан тәбрик итәбез!

“Илһам” бөтенроссия яшь язучылар бәйгесендә быел гимназиябездән 6 укучы катнашкан иде: Рүзәл Харисов, Адилә Зыязетдинова(10 класс), Лиана Шакирова, Камилә Галиуллина(8 класс), Энҗе Ильясова(7 класс), Адилә Харисова(5 класс). Зона этабын үтеп, 3 кызыбыз финалга узган иде. Бүген Казанда – Татар китабы йортында җиңүчеләр бүләкләнде. Лиана Шакирова, Адилә Зыязетдинова – I, Энҗе Ильясова III урын яуладылар! Лиана әлеге иҗади бәйгедә узган ел да I урын яулаган иде. Ә Энҗе белән Адилә быел тәүге тапкыр үзләрен сынап карадылар. Кызларны, җитәкчеләре Чулпан Рәмзил кызы Шәрипованы әлеге күркәм җиңү белән котлыйбыз!

Укучыларыбыз проект эшләрен якларга әзерләнә.

17 май көнне үтәчәк проектлар ярминкәсенә әзерләнәбез.

Бүген – 15 май көнне "Адымнар" һәм башлангыч сыйныфлар укучы корпусларда атналык дүшәмбе линейкасы дәүләт флагларын кертүдән башланды.
Директорның тәрбия эшләре буенча урынбасары Ленар Зөфәк улы Шәвәлиев атна дәвамында эшләнәсе эшләргә, чараларга тукталды.
Уку атнасы яңалыкларга бик бай. "Беренчеләр хәрәкәте" иҗтимагый оешмасының район семинарында катнашу, "Кванториум"да укучыларның проект эшләрен яклавы, укучыларның еллык проект эшләре ярминкәсен үткәрү, "Әтиләр советы" район семинарын үзебездә үткәрү, Пионерия туган көн - һәммәсе зур көч, бердәмлек, иҗади эшләү таләп итә.
Узган атнада 6Б сыйныфы кизү торды. Аларның атналык тәртипкә хисабыннан соң, кизү тору 6А сыйныфына күчте.

Бүген – 15 май көнне, гимназиябездә "Разговоры о важном – Мөһим темага сөйләшү" сыйныф дәресләре "Балалар иҗтимагый берләшмәләре көне" турында сөйләшүгә багышланды. Дәресләр укучыларда балалар иҗтимагый берләшмәләре турында күзаллаулар формалаштыру, Россия балалар һәм яшьләр хәрәкәте эшчәнлегенә "Алдынгылар хәрәкәте"н җәлеп итү, хәрәкәт проектларында һәм беренчел бүлекчәләр эшендә катнашуга этәрү максатларында узды.
19 майда Россия Федерациясендә балалар иҗтимагый берләшмәләре һәм оешмалары көне билгеләп үтелә.
Әлеге фотода 1Б сыйныфы укучылары класс җитәкчесе Гөлназ Дильшат кызы Солтанова белән дәрес вакытында.

Бүген районыбызга эшлекле визит белән Татарстан Республикасы Рәисе ярдәмчесе, «Алдынгылар хәрәкәте» илкүләм яшьләр һәм балалар хәрәкәтенең республика бүлеге җитәкчесе Тимур Сөләйманов килде.
Җиңү паркында һәм “Яшьлек” яшьләр үзәгендә ул районның яшь лидерлары, укучылар берләшмәләре активистлары белән очрашты.
“Ялкын” балалар оешмасы варислары гимназиябездә алып барылган эшчәнлек, алдынгылар хәрәкәте белән таныштырды. Балалар хәрәкәтенең республика бүлеге җитәкчесе Тимур Сөләймановтан интервью да алды алар.
Очрашуда гимназиябез директоры Венера Хәмәтнәсыйх кызы Хәева-Хәмитҗанова, тәрбия эшләре буенча директоры урынбасары Ленар Зөфәк улы Шәвәлиев катнашты.