Чебешләрне көзен санасалар да, фән олимпиадаларында җиңүчеләрне хөрмәтләү тантанасы Актаныш районында традицион рәвештә, апрель аенда үткәрелә. Бу уку елында фән олимпиадаларының республика этабында гимназия укучыларының 52 призлы һәм җиңүче урыннары бар. Әлеге укучылар арасында ике яки аннан да күбрәк призлы урын алучылар да булды. Мәсәлән, 8 класс укучысы Вәлиева Нәфисә 6 фәннән республика дәрәҗәсендә урын алып, “Ел укучысы” исеменә лаек дип табылды. Район мәктәпләре арасында  гимназия I урынга ия булды. Олимпиадада югары нәтиҗәләр күрсәткән укучы һәм аларның остазларын җиңүләре белән котлыйбыз, киләчәктә дә уңышлар телибез!

12 апрель – авиация һәм космонавтика көне. Гимназиядә дә әлеге истәлекле көн уңаеннан төрле чаралар оештырылды: класслар арасында рәсем конкурслары,  Гагарин дәресләре, видеофильм карау, викториналар үткәрелде.

Гимназия кызлар баскетбол командасы районкүләм уздырылган ярышта мактаулы I урынга лаек булдылар. Кызларны һәм остазлары Харрасова Алсу Рәскать кызын җиңүләре белән котлыйбыз. Афәрин!

Бүген гимназия үзенә Актаныш 2 нче санлы мәктәбенең 4 сыйныф укучыларын кунакка кабул итте. Килгән укучылар гимназиядә тормышы, анда башкарылып килүче прроектлар, интернат бинасы белән таныштылар, гимназиянең өлкән сыйныфларында белем алучы абый-апаларыннан төрле кызыклы мәгълүматлар алдылар, фәнни экспериментларда катнаштылар.

Гимназиядә #эковесна2019 акциясенә старт бирелде. Укучылар, җылы яктан кайтучы сыерчыкларны матур оялар белән каршылыйлар. 

2 апрель – Халыкара балалар китабы көне уңаеннан, гимназия китапханәсендә, педагаог-китапханәче Эльвира Мәүлетдин кызы җитәкчелегендә чаралар үткәрелә.

 Яр Чаллы шәһәрендә уздырылган X Республикакүләм “Ломоносов укулары” фәнни-эзләнү  конференциясендә 2 урынга лаек булган 5а сыйныфы укучысы Фәрдиева Илинаны һәм җитәкчесе Фәрдиева Регина Равил кызын тәбрик итәбез!

Сегодня, в рамках делового визита в Актанышский район, гимназию посетила Депутат Государственного Совета РТ пятого созыва, исполнительный директор некоммерческой организации "Республиканский Фонд возрождения памятников истории и культуры РТ", заместитель председателя Государственного Совета РТ Ларионова Татьяна Петровна. Она ознакомилась с проектами нашей гимназии, провела ознакомительную беседу относительно целей и задач Республиканского фонда. Татьяна Петровна положительно отозвалась о деятельности гимназии-интерната и выразила пожелания дальнейших успехов на ниве образования и воспитания подрастающего поколения.

Бүгеннән укучыларның язгы каникуллары башланды. Ул бер атна дәвам итә, алдагы дүшәмбе, 1 апрель көнендә бу уку елының IV чиреге башланып китәчәк. Күңелле һәм файдалы яллар булсын!

 Казан Дәүләт Федераль университетында уздырылган III Бөтенрәсәйкүләм “Туган якны өйрәнүгә багышланган математик мәсьәләләр” конкурсында 8а сыйныфы укучысы Лиана Мухаметдинова – 2 урын, 5а сыйныфы укучысы Фәрдиева Илина – 3 урын яулады. Укучыларның эшләре махсус җыентыкта басылып чыкты. Укучыларны һәм җитәкчеләре Фәрдиева Регина Равил кызын җиңүләре белән тәбрик итәбез! Афәрин!