Бүген гимназия үзенә Актаныш 1 нче санлы мәктәбенең 4 сыйныф укучыларын кунакка кабул итте. Килгән укучылар гимназиядә тормышы, анда башкарылып килүче прроектлар, интернат бинасы белән таныштылар, гимназиянең өлкән сыйныфларында белем алучы абый-апаларыннан төрле кызыклы мәгълүматлар алдылар, фәнни экспериментларда катнаштылар.

Сегодня завершился региональный этап Всероссийского конкурса «Учитель года Республики Татарстан 2019», на котором учитель русского языка и литературы гимназии-интерната Саматова Гульнар Дильфасовна стала победителем в номинации «Педагог профессионал». Поздравляем Гульнар Дильфасовну с заслуженной победой и желаем дальнейших успехов!

 Югары Ослан муниципиаль районы Курал мәктәбендә узган, Яңа китап” I республикакүләм фәнни-практик конференциясендә катнашып педагог-китапханәче Исламова Эльвира Мәүлетдин кызы һәм 8 б сыйныф укучысы Хаҗиева Таңсылу сертификат һәм истәлекле бүләкләр белән бүләкләнделәр. Котлыйбыз!

Хокукларыңны беләсеңме? Бүген, ТР Дәүләт алкоголь инспекциясенең Чаллы территориаль органы кулланучыларның хокукларын яклау бүлеге белгечләре Кашапова Л.Г. һәм Фархуллина Г.А., Бөтендөнья кулланучыларның хокукларын яклау көненә багышланган чаралар кысаларында, гимназиянең 8-10 класс укучылары өчен "Цифрлы дөнья: ышанычлы смарт-җайланмалар" темасына тематик дәрес үткәрделәр. Укучылар бүгенге көн сатып-алу базарында үз хокукларыңны яклау турында мәгълүматлар алдылар, үзләрен кызыксындырган сорауларны бирделәр.

Районкүләм үткәрелгән бәйгедә 9а сыйныфы укучысы Фәрдиева Алисә, татар кызларына хас булган сыйфатларын бәян итеп, мактаулы II урынга лаек булды. Алисәне җиңүе белән тәбрик итәбез!

Җылы кояш нурларына төренеп, йөгерек гөрләвекләре белән йөгереп язның беренче ае — март та килеп җитте.
Барыбызга да билгеле әлеге айның иң матур иң олы бәйрәме — СИГЕЗЕНЧЕ МАРТ — ХАЛЫКАРА ХАТЫН КЫЗЛАР КӨНЕ.
Хөрмәтле гүзәл затлар! Табигатнең суыктан җылылык чорына омтылган мизгеленә туры килгән бәйрәмегез һәрвакыт җылы матур истәлекләр генә калдырсын.

Сез барында ямь бар җирдә,
Сез булганда тәм дә бар.
Сез булганга дәрт бар җанда,
Көч-куәт тә тәндә бар.

Сез булганга иҗат та бар,
Сез булганга бар сәләт.
Бу сүзләрне әйтергә
Нәкъ сез булдыгыз сәбәп.

Әни дә сез апа да сез,
Һәм сөйкемле сеңел сез.
Сез булганга дөнья нурлы
Чытык йөзле түгелсез.

Сездә кешелек язмышы
Сездә олуг өметләр
Шундый теләкләрдә кала
Җирдә һәммә егетләр!

Гимназикүләм “Татар кызы- 2019” чарасы гөрләп узды. Бәйгедә катнашучы кызлар берсеннән-берсе матур, тырыш, җитез, тапкыр булдылар. Кичәне оештыручы 10 Б сыйныфы укучылары конкурсантларны төрле яктан сынадылар. 

27, 28 февраль, 1 март көннәрендә гимназия-интернатның бер төркем укытучы-тәрбиячеләр һәм укучылары, Казан шәһәренең “Казан EXPO” күргәзмәләр бинасында оештырылган, EDU RUSSIA 2019  Халыкара  мәгариф форумын    да булып кайттылар. Форум кунакларын, алар гимназиядә оешып, киң җәмәгатьчелеккә тәкъдим итәрдәй дәрәҗәгә җиткерелгән проектлар һәм гомумән, уку йорты белән таныштырдылар. Республиканың төрле районнарыннан, Россия төбәкләреннән килгән вәкилләр гимназия проектлары, уку шартлары белән кызыксындылар. Укучылар һәм укытучылар үзләре дә форум кысаларында оештырылган семинарларны күзәттеләр, мәгариф өлкәсендә барган алдынгы технологияләрне өйрәнделәр.

Бүген 11нче сыйныф укучылары район ЗАГС бүлегендә нәтиҗәле эшләп килүче ,,Гаилә мәктәбе” дәресләрендә катнаштылар. ЗАГС бүлеге җитәкчесе Гөлфинә Мөхәмәдиева оештырган очрашуда катнашкан район мөслимәләр берлеге җитәкчесе Зөһрә Закирова, өлкән психолог Фәймә Шәйгарданова һәм Актаныш муниципаль районы имам-мөхтәсибе Руслан хәзрәт Мортазиннар укучыларга үзләренең киңәш-тәкъдимнәрен җиткерделәр.