Башлангыч сыйныфларда "Кайсы очракларда "Юк!" дип әйтә белергә кирәк" темасына сыйныф сәгатьләре үтте. Укучылар яхшыны яманнан аерырга өйрәнделәр, сәламәт булу өчен зарарлы гадәтләрдән тыелырга кирәклеген үзләренә тагын бер кат искәрттеләр.

"Мин сәламәт булырга телим! Мин сәламәт була алам! Мин сәламәт булырга тиеш! Начар гадәтләргә -ЮК!!!" Шушы шигарь астында 2 нче  сыйныфларда саф һавада класс сәгатьләре үтте.

Егетләр интернаты ягында ашау сыйфатын бәяләр өчен ата-аналар кичке ашка килә башлады. 6в сыйныф укучысы Газизов Инсафның әти-әниләре "Кичке аш бик тәмле, туклыклы, алдагы көннәрдә дә уңышлар" дип теләп, канәгать булып киттеләр. Барыбыз да сәламәт булыйк!

21 гыйнвар көнне 1 нче сыйныф Сәләт төркеме укучыларына китапханә белэн таныштыру максатыннан экскурсия оештырылды һәм укучылар кулларына беренче китапларын алып укыды.

Җомга чарасы кысаларында интернатта торучы укучылар тәрбиячеләре Зөһрә Спартак кызы җитәкчелегендә "Физкультура һәм спорт иленә сәяхәт" ясады. Соңыннан интернат җитәкчесе аларны чәй тәмнәре белән сыйлады.

Укучыларыбыз КФУ галимнәре белән берлектә татар теле фәненнән олимпиадага онлайн форматта әзерләнә. 

Гимназиябез базасында "Ел укытучысы" бәйгесенең икенче көне бара. Район укытучылар жюри каршында дәресләр һәм мастер-класслар үткәрә.

Бүген, 20 нче гыйнвар көнне, гимназиябез базасында, "Ел укытучысы" бәйгесенең муниципаль этабы башланды. Укытучылар ачык дәресләр һәм мастер-класслар күрсәтә.

10 сыйныф укучысы Анамов Әмирсәлих химия фәненнән Бөтенроссия укучылар олимпиадасының региональ этабында катнашып, призер исеменә лаек булды. Укытучысы Гарипова Рузилә Илдар кызы. Афәрин! Котлыйбыз!

18 гыйнвар көннәрендә Сәләтле балалар өчен гуманитар гимназия-интернатта башлангыч класс укытучылары "Ел укытучысы-2022" бәйгесендә көч сынаштылар. Гимназия данын Солтанова Гөлназ Дилшат кызы яклады. Аңа уңышлар телибез!