Биология фәне буенча Бөтенроссия олимпиадасының регион этабыннан шатлыклы хәбәрләр:

Гаянов Айбула - җиңүче

Әмирханова Рәмилә - призер

Хафизова Зилә - призер.

Укытучыларны һәм остазлары Ханнанова Руфина Риф кызын котлыйбыз! 

"Бер күрешү үзе бер гомер бит, очрашуга сәбәп табылсын. Бер-берләрен сагынышкан дуслар күрешергә монда агылсын". Ялга кайткан студентларыбыз укытучылар - укучылар белән очрашуга килделәр.

КФУ галимнәре белән берлектә үткән татар теле дәресләре дәвам итә. Бүген 9 сыйныф кызлары олимпиада биремнәрен җентекләп карадылар.

25 гыйнвар Бөтенроссия студентлар көнө буларак билгеләнеп үтә. Әлеге уңайдан без дә гимназия-интернатны тәмамлап, бүгенге көндә төрле югары уку йортларында белем алучы студентларыбызны котлыйбыз. 27 гыйнвар көнне оештырылачак студентлар очрашуына көтеп калабыз. Вакыты: 15.00, урыны: гуманитар гимназия-интернатның актлар залы.

26 гыйнвар көнне егетләребезгә Рушан хәзрәт "Иблиснең мәкерле юллары" дигән темага әхлак дәресе үткәрде. Дәрес бик үтемле итеп аңлатылды.

Физик культура фәне буенча республика олипиадасының йомгаклау этабында гимназиябезнең 6-7 сыйныф укучылары Имамразыева Әминә, Харрасов Илмар, Әмирҗанов Роман призер исеменә лаек булды. Укытучылары Харрасова А.Р., Исламов И.Р. Афәрин! Котлыйбыз!

Интернатта яшәүче кызларыбыз тәрбиячеләре Зөлфия Мазгар кызы белән беренче илбашыбыз Минтимер Шәрип улы Шәймиевның тормыш һәм хезмәт юлына күзәтү ясадылар.

Сөенәбез, шатланабыз,

Күңелле утә кышлар. 

Чангы, чана, тимераяк - 

Безнең иң якын дуслар. 

Сәламәтлек - зур байлык. Сәләт төркеменең күңелле ял вакытлары.

Тормыш иминлеге нигезләре фәне буеннча Бөтенроссия укучылар олимпиадасының региональ этабы призеры исемен яулаган укучыбыз Габдуллина Алинәне зур җиңүе белән котлыйбыз! Укытучысы - Сибгатуллин Ришат Тимершәех улы. Афәрин!

Татар теле фәне буенча КФУ галимнәре үткәргән олимпиадага әзерлек дәресләре дәвам итә. Бүгеннән башлап укучылар ике төркемдә шөгыльләнәләр.