Казан шәһәрендә дөнья сәнгате бөтенроссия фән олимпиадасының йомгаклау этабы төгәлләнде.

Гимназиянең 10А класс укучысы Мөхәмәтдинова Лиана, 9Б класс укучысы Камилҗанова Динара призер булдылар.

Кызларны һәм аларның укытучысы М.М.Абдуллинаны зур җиңүләре белән ихлас котлыйбыз.

26 нчы апрель –бөек татар шагыйре Габдулла Тукайның тууына 135ел.Шул уңайдан педагог-китапханәче Исламова Эльвира Мәүлетдин кызы тарафыннан ,,Без Тукайны яратабыз” уен-викторинасы үткәрелде. Бу уен-викторина аша укучыларның шагыйрь турында белемнәре ныгытылды.Г.Тукайның иҗатына, тормышына карата кызыксыну, горурлык хисе, телебезгә, әдәбиятыбызга мәхәббәт хисе тәрбияләнде.

26 нчы апрель-татар халкының бөек шагыйре Габдулла Тукайның тууына 135 ел.Китапханәбездә китап күргәзмәсе эшли.

19 апрель көнне Сәләтле балалар өчен гуманитар гимназия-интернатның “Хәзинә” бию коллективы “Йолдызлык” яшьләр фестиваленең республика этабында бик матур чыгыш ясап кайттылар. Коллектив жюри әгъзаларына “Туган тел” биюен тәкъдим итте. “Хәзинә” бию төркеменең җитәкчесе Хатмуллин И.Б.

Шул уңайдан гимназиягә Актаныш районының имам-мөхтәсибе Руслан хәзрәт Мортазин чакырылды. Ул укучылар белән очрашты һәм Рамазан ае һәм Ураза тоту тәртипләре турында сөйләде, балаларга вәгазь укыды,  һәрберебезне изге гамәлләр генә кылырга чакырды, ил-көннәребезгә тынычлык, җаннарыбызга сафлык, тәннәребезгә саулык-сәламәтлек теләде.

Бүген тәрбия сәгатендә 9 нчы сыйныф укучылары Галиәсгар Камалның “Беренче театр” комидиясен карадылар. Спектакль 1961 енче елда төшерелгән булган. Укучылар белгәннәрен искә төшерделәр, ял иттеләр, илһам алдылар.

Укучылар өчен чираттагы «Урок цифры» чарасы үткәрелде. Дәрестә укучылар предприятиеләрне һәм учреждениеләрне автоматлаштыру өлкәсендәге җитештерү, ERP-система, "акыллы склад", сәнәгать интернеты, бизнес-аналитика һ.б. төшенчәләр белән таныштылар. Предприятиеләрдә цифрлы трансформацияны уздыручы белгечләр турында белделәр.

Дәреснең икенче өлешендә уен формасындагы тренажерда укучылар космик кондитер фабрикасы үрнәгендә автоматлаштыру белән таныштылар. Алар үз көчләрен склад роботлары маршрутларын көйләүдә, пончиклар җитештерү буенча конвейер эшен көйләүдә сынап карадылар.

16 апрель көнне Яшьлек күңел ачу үзәгендә район үзәге мәктәпләреннән җыелган укучылар арасында Бөек Җиңүнең 76 еллыгына багышланган “Узган көннәр тере хәтердә” хәрби-патриотик рухтагы квест-уены узды. Уенның шартлары буенча һәр команда, 7 станция аша үтеп, төрле авырлыктагы биремнәрне үтәделәр, Бөек Ватан сугышы хәтирәләренә багышланган җырлар, һәйкәлләр, шәһәрләр буенча белемнәрен сынадылар, герой балалар һәм аларның батырлыклары турында сөйләделәр. Гимназия укучылары бу бәйгедә кабаттан Беренче!