15 февраль - патриот шагыйрь, Советлар Союзы Герое Муса Җәлилне искә алу көне уңаеннан 7в сыйныфында язучының иҗатына багышланган викторина һәм китапханәдә күргәзмә оештырылды.

Районкүләм үткәрелгән  "Рәсәй чаңгы юллары" бәйгесендә гимназиябез коллективы актив катнаша.

Пәрәмәч - татар халык ризыкларының берсе. 6-7 нче сыйныф укучылары Резеда Шамил кызы җитәкчелегендә пәрәмәч пешереп сыйландылар. Яңа пешеп чыккан пәрәмәч исенә битараф калып булмый.

Интернатта торучы кызларыбыз кичләрен чаңгы шуып, рәхәтләнеп сәламәтлекләрен ныгыталар.

8-9 нчы сыйныф кызлары Зөлфия Мазгаровна белән "камыр ашлары" сәгатендә тел йотмалы, бик тәмле кабартма пешерде.

Кызларыбызга Тәхия апа "Сәламәтлек - зур байлык" дигән темага әхлак дәресләре алып барды. Дәрес бик үтемле булды.

12 февраль көнне гимназиябездә "Киләчәк беренчеләр" әзерлек дәресләрен башлап җибәрдек. Дәресләрдән соң балалар күтәренке күңел белән кайтып китте. Уңышлар юлдаш булсын сезгә, балалар!

11 февраль көнне Актаныш районы Башкарма комитеты җитәкчесенең социаль мәсьәләләр бунча урынбасары Нурлыева Ләйсән Фоат кызы җитәкчелегендә гимназиябез директоры Венера Нәсих кызы, татар теле һәм әдәбияты укытучысы Чулпан Рәмзил кызы, инглиз теле укытучысы Рузилә Айдар кызы Уфа шәһәрендә булып, 44 номерлы полилингваль гимназия, 20 номерлы гимназия, Мостай Кәрим исемендәге 158 нче башкорт гимназиясе, Рәми Гарипов исемендәге гимназия эшчәнлеге белән таныштылар. Башкортстан Республикасы Мәгариф һәм фән министрлыгында булып, мәгариф министры Хаҗин Айбулат Вакил улы белән очраштылар, киләчәккә максатлары белән бүлешеп, киләчәкттә хезмәттәшлек алып бару турында фикер алыштылар.

Шәфкать туташыбыз Филария Анфасовна яшелчәләр, җиләк-җимешләр, витаминнар турында бик кирәкле һәм файдалы чыгыш ясады.

География фәне буенча республика олимпиадасының йомгаклау этабында гимназиябез укучылары Солтанов Самат һәм Чекалин Гәдел призер исеменә лаек булдылар. Укучыларны һәм остазлары Фәйзуллин Рөстәм Уел улын котлыйбыз!