Рус әдәбияты фәне буенча республика олимпиадасында призерларыбыз: Закирова Розалия (7 сыйныф), Шәемова Гөльяр (8 сыйныф), Гилметдинова Миләүшә (9 сыйныф), Тишкинбаева Нигинә (9 сыйныф), Таһирова Эльвина (10 сыйныф). Кызларны һәм укытучылары Гильфанова Изалия Изаил кызын, Нурыева Ирина Альбин кызын котлыйбыз!

Интернатта яшәүче егетләрнең вакытлары күңелле һәм файдалы үтә. Көн саен егетләр үзләре арасында турнир үткәреп бүгенге көннең иң оста уйнаучысын билгелиләр.

"Милли җәүһәрләр" мәктәп радиосы әгъзәләре. Чираттагы тапшыруга әзерләнү мизгелләре.

Туп сөюче егетләребез Югары Яркәй авылында оештырылган волейбол турнирында катнашып кайттылар. 2008-2009 нчы елгы егетләрдән торган команда III урынга, 2007-2008 нче елгы егетләр IV урынга лаек булдылар. Остазлары Ленар Миншакир улы. Котлыйбыз! Алга таба да уңышлар телибез!

Бүген, 18 февраль көнне, 1б һәм 1в сыйныфларында Әлифба бәйрәме үтте. Бәйрәмдә балалар әти-әниләргә үзләренең алган һөнәрләрен күрсәттеләр. Чара бик  матур, күңелле үтте.

Кызлар интернатында "Батырлык урыны - Әфганстан" дигән темага кичә үтте. Әфганстанда хәрби хезмәттә һәлак булган райондашларыбызны искә алып, алар турында истәлекләр укылды. Кичәне тәрбияче Шәрифуллина Алия Вил кызы үткәрде.

15 февраль - патриот шагыйрь, Советлар Союзы Герое Муса Җәлилне искә алу көне уңаеннан 7в сыйныфында язучының иҗатына багышланган викторина һәм китапханәдә күргәзмә оештырылды.

Районкүләм үткәрелгән  "Рәсәй чаңгы юллары" бәйгесендә гимназиябез коллективы актив катнаша.

Пәрәмәч - татар халык ризыкларының берсе. 6-7 нче сыйныф укучылары Резеда Шамил кызы җитәкчелегендә пәрәмәч пешереп сыйландылар. Яңа пешеп чыккан пәрәмәч исенә битараф калып булмый.

Интернатта торучы кызларыбыз кичләрен чаңгы шуып, рәхәтләнеп сәламәтлекләрен ныгыталар.