16 апрель көнне гимназия-интернатта җомга чарасы - “Көйне таны” уены узды.Чараны тәрбияче Бакирова Фәнилә Фирдәвис кызы әзерләде. “Көйне таны” уены аша укучыларды татар көйләренә мәхәббәт уятылды, танып белү сәләте камилләште.  10Б сыйныф укучысы Рәсүл татар халык җырларыннан тезмә уйнады. Чара бик кызык, күтәренке рухта узды.

Экологик айлык кысаларында гимназия укучылары бик теләп  “Табигатьне сакла – макулатура тапшыр!“ акциясенә кушылдылар.  Барлык укучыларның тырышлыгы белән 760 килограмм  макулатура җыелды. 15 апрель көнне акциягә йомгак ясалды. Гимназиянең волонтерлар отряды укучылары, табигатьне саклауга үз көчләрен керткән өчен, диплом белән бүләкләнде. Афәрин, укучылар!

Укучыларыбыз үзләренең изге, матур гамәлләре белән сөендерә.

Яз – җырчы кошлар, сыерчыкларны каршы алу вакыты. Шул уңайдан гимназия укучылары “Хуш киләсез, кошкайлар!” акциясе уздырды. Акция кысаларында һәр укучы сыерчыкларга оялар әзерләүдә үзеннән зур өлеш кертте.  Ояларны җыелып паркка элеп  тә куйдылар балалар. Хуш киләсез, кошкайлар! Без ясаган ояларга рәхим итегез!

Педагог-оештыручы Хафизова Алсу Мирзамөхәммәт кызы җитәкчелегендә 6-7 класс укучылары Закирова Розалия, Шаемова Гөльяр  12 апрель – авиация  һәм космонавтика көненә карата стена газетасы чыгарды.

Бүген 9 нчы сыйныф укучылары тәрбия сәгатендә космонавтика көненә карата башваткычлар чиштеләр. Галәм белән бәйле белемнәрен искә төшерделәр, яңа һәм кызыклы мәгълүматлар тупладылар.

10 апрель көнне гимназия базасы халыкара белем бирү акциясе -Тоталь диктант яздыру мәйданчыгы булды. Акциянең төп максаты – мәктәп укучыларында грамоталылыкны арттыру, рус телен популярлаштыру.

Бу чарада гимназиянең 7-9 класс укучылары катнашты. Барлыгы 66 укучы. Акциянең девизы да: “Дөрес язу – модада!”

Диктанты рус телчеләренең методик берләшмә җитәкчесе Э.Ф.Шәгъзамова укыды.

Кичә, 9 апрель көнне, Казан шәһәрендә бөтенроссия “Ел укытучысы – 2021” бәйгесенең йомгаклау этабы төгәлләнде.

Гимназиябез укытучылары бәйгедә уңышлы чыгыш ясады. Рус теле, әдәбияты укытучысы – И.И.Хәлимова “Педагогик дебют” номинациясендә – лауреат, татар теле укытучысы – Ч.Р.Шәрипова “Иң яхшы татар теле, әдәбияты укытучысы” номинациясендә – абсолют җиңүче.
Укытучыларыбызны зур уңышлары белән котлыйбыз. Иҗади уңышлар теләп калабыз.

9 апрель көнне 5-8 нче сыйныфлар арасында “Телләр белгән, илләр гизгән” җомга көн  чарасы узды. Уен-квест форматында оештырылган чара укучыларның күңеленә бик хуш килде.

7 апрель көнне Иҗат үзәгенең актлар залында Минзәлә педагогия көллияте 9 сыйныфлар арасында “Галәм буйлап сәлам юллап” региональ конкурсы үткәрде. Бәйге өч этапта үтте. Укучылар космонавтика өлкәсендә белемнәрен сынадылар.Чарада Сәләтле балалар өчен гуманитар гимназия-интернаты укучылары лаеклы 1 урынны яулады! Укучыларны җиңүләре белән чын күңелдән котлыйбыз!

7 апрель көнне Актанышка эшлекле сәяхәт белән ТР Мәгариф һәм фән министры И.Г.Хәдиуллин килде. Илсур Гәрәй улы Хәдиуллин тарафыннан 2021 елда педагогларның август киңәшмәсенә әзерлек торышын, яңа мәктәп
бинасы төзелешен карады, педагогик коллектив белән күреште.

Шулай ук министрлык гимназия-интернатның укыту-тәрбия процессы белән таныштылар. Легендар җырчы Әлфия Авзаловага багышланган музей аларда матур хисләр калдырды.