Бакчабыз коллективы район үзәгендә үткәрелә торган бәйрәм чараларында актив катнаша. Бүген дә Үзәк чыршы янында Кыш бабайлар парадында катнашып, уңышлы чыгыш ясап кайттык.

Бакчабыз коллективын "Яңа ел - 2024" әзерлек бизәлешендә актив катнашып 2нче урын яулады. Актаныш муниципаль район Башлыгы Ленар Рафак улы Зарипов бакчабыз коллективын якынлашып килүче Яңа ел белән тәбрикләп яңа бәхет, шатлыклар, җан тынычлыгы теләде һәм Рәхмәт хаты белән бүләкләде.

Бүген бакчабыз Кыш бабае үзенең оныгы Кар кызы, дуслары Кар бабай һәм урман җәнлекләре белән берлектә беренче кечкенәләр һәм икенче кечкенәләр төркеме балаларын бәйрәм белән тәбрикләде.

Балалар өчен Яңа ел - могҗизалар, әкиятләр чоры. Бу вакытта алар Кыш бабай, Кар кызы килүен, һәм әлбәттә, бүләкләр көтәләр. Балаларыбызны сөендереп төркемнәрдә Яңа ел бәйрәм иртәләре башланып китте. Бүген Кыш бабабыз кечкенәләр, уртанчылар һәм мәктәпкә әзерлек төркеме балаларын бәйрәм белән котлап бүләкләр таратты.

"Без спортны сайлыйбыз" проекты кысаларында 2нче санлы Актаныш урта мәктәбенең "Благодарение" фонды волонтерлары бакчабыз балалары белән "Кышкы уеннар"  бәйрәме үткәрделәр, физик активлыкларын сынадылар. Укучыларга ияреп килгән Кыш бабай һәм Кар кызы балаларга үзләренең бүләкләрен тараттылар.

Районыбыз һәр елны Яңа ел бәйрәмен зур әзерлек белән каршылый. Үзәк чыршы янында берсеннән берсе матур кар сыннары, Кыш бабай һәм Кар кызы, балалар өчен бозлы тау - бәйрәмнең ямен арттыра. Бакчабыз коллективы да бәйрәм кәефе тудырудан читтә калмады, үз өлешләрен кертеп кар сыннары ясады. 

Бакчабызда "Ел тәрбиячесе" һөнәри бәйгесенең икенче көне көне үтә. Бүген 7 конкурсант икенче кечкенәләр, уртанчылар, зурлар, мәктәпкә әзерлек төркемнәрендә белем бирү эшчәнлекләре күрсәтәләр, "Минем педагогик ачышым" темасы астында үзләренең эш формалары һәм методлары белән уртаклашалар. Барлык конкурсантларга да зур уңышлар телибез!!!

Бүген бакчабыз тәрбиячесе Вагизова Алиса Фандасовна республикакүләм үтүче "Ел тәрбиячесе" бәйгесенең муниципаль этабында чыгыш ясый. Зурлар төркеме балалары белән танып-белү эшчәнлеге күрсәтә һәм үзенең педагогик табышы белән уртаклаша. Алиса Фандасовнага уңышлар телибез

Бүген 2нче санлы Ромашка балалар бакчасына караган база бакчалары тәрбиячеләре арасында "Ел тәрбиячесе" һөнәри конкурсы узды. Педагоглар балалар белән бердәм белем бирү эшчәнлеге күрсәттеләр, һәм үзләренең методик темаларыннан чыгып эшчәнлек нәтиҗәләре турында сөйләделәр. Конкурсанталар арсында Кәзкәй балалар бакчасы тәрбиячесе Гомәрова Зөлфия Альберт кызының эшчәнлеге югары бәяләнде, һәм ул бәйгенең алдагы этабында - районкүләм ярышта көч сынашу хокукына ия булды.