Балалар өчен Яңа ел - могҗизалар, әкиятләр чоры. Бу вакытта алар Кыш бабай, Кар кызы килүен, һәм әлбәттә, бүләкләр көтәләр. Балаларыбызны сөендереп төркемнәрдә Яңа ел бәйрәм иртәләре башланып китте. Бүген Кыш бабабыз кечкенәләр, уртанчылар һәм мәктәпкә әзерлек төркеме балаларын бәйрәм белән котлап бүләкләр таратты.

"Без спортны сайлыйбыз" проекты кысаларында 2нче санлы Актаныш урта мәктәбенең "Благодарение" фонды волонтерлары бакчабыз балалары белән "Кышкы уеннар"  бәйрәме үткәрделәр, физик активлыкларын сынадылар. Укучыларга ияреп килгән Кыш бабай һәм Кар кызы балаларга үзләренең бүләкләрен тараттылар.

Районыбыз һәр елны Яңа ел бәйрәмен зур әзерлек белән каршылый. Үзәк чыршы янында берсеннән берсе матур кар сыннары, Кыш бабай һәм Кар кызы, балалар өчен бозлы тау - бәйрәмнең ямен арттыра. Бакчабыз коллективы да бәйрәм кәефе тудырудан читтә калмады, үз өлешләрен кертеп кар сыннары ясады. 

Бакчабызда "Ел тәрбиячесе" һөнәри бәйгесенең икенче көне көне үтә. Бүген 7 конкурсант икенче кечкенәләр, уртанчылар, зурлар, мәктәпкә әзерлек төркемнәрендә белем бирү эшчәнлекләре күрсәтәләр, "Минем педагогик ачышым" темасы астында үзләренең эш формалары һәм методлары белән уртаклашалар. Барлык конкурсантларга да зур уңышлар телибез!!!

Бүген бакчабыз тәрбиячесе Вагизова Алиса Фандасовна республикакүләм үтүче "Ел тәрбиячесе" бәйгесенең муниципаль этабында чыгыш ясый. Зурлар төркеме балалары белән танып-белү эшчәнлеге күрсәтә һәм үзенең педагогик табышы белән уртаклаша. Алиса Фандасовнага уңышлар телибез

Бүген 2нче санлы Ромашка балалар бакчасына караган база бакчалары тәрбиячеләре арасында "Ел тәрбиячесе" һөнәри конкурсы узды. Педагоглар балалар белән бердәм белем бирү эшчәнлеге күрсәттеләр, һәм үзләренең методик темаларыннан чыгып эшчәнлек нәтиҗәләре турында сөйләделәр. Конкурсанталар арсында Кәзкәй балалар бакчасы тәрбиячесе Гомәрова Зөлфия Альберт кызының эшчәнлеге югары бәяләнде, һәм ул бәйгенең алдагы этабында - районкүләм ярышта көч сынашу хокукына ия булды.

Татарстан Республикасы Мәгариф һәм фән министрлыгының Мәгариф өлкәсендә күзәтчелек һәм контроль департаменты вәкилләре тарафыннан бакчабызда профилактик визит үткәрелде. Норматив документлар, мәгариф өлкәсендәге кануннардагы соңгы үзгәрешләр, гамәлдә булган кануннар нигезендә локаль актларны рәсмиләштерүгә игътибар ителде. Профилактик визит үткәрү нәтиҗәсе турында мәгълумат "Контроль (күзәтчелек) чараларының бердәм реестры" ФДИСка кертеләчәк.

Бүген Актаныш FM радиосының турыдан туры эфирында тәрбиячеләребез "Ак калфак" Бөтендөнья татар хатын-кызлары иҗтимагый оешмасының Актаныш районы бүләкче җитәкчесе Айгөл Рәдис Кызы Галимҗанова белән берлектә "Балалар бакчасында милли тәрбия бирү" темасында фикер алыштылар. Мәктәпкәчә яшьтәге балаларга халкыбыз хәзинәләре нигезендә милли узаң тәрбияләүгә игътибар, халкыбыз мирасына, традицияләренә хөрмәт тәрбияләүнең нигезләрен ачыкладылар.

Милләтебезнең рухи, мәдәни кыйммәтләрен саклау, үстерүне, бәйрәмнәрне халкыбызга кайтаруны  күздә тотып III Бөтенроссия "Каз өмәсе" фестивале узды. Бакчабыз тәрбиячеләре Минһаҗева Г.Ә. һәм Вагыйзова А.Ф. мәктәпкә әзерлек төркеме балалары белән "Каз өмәсе" күңел ачуын күрсәтеп мактаулы 2нче урынга лаек булдылар. Балаларны, педагогларны зур җиңүләре белән котлыйбыз, киләчәктә дә иҗади уңышлар теләп калабыз!!!