Бүген башлангыч сыйныф укытучылары"Юлда булсаң бул өлгер,юл кагыйдәләрен нык бел" исемле сыйныф сәгате үткәрделәр. Чара һәр балага файдалы һәм үзенчәлекле булды.Җитәкчеләр: Ахметзянова Г.И.,Хаметвалиева Т.М.,Зайдуллина Ф.М.

Бүген "Юность" сопрткомплексында "Әти,әни һәм мин -спорт сөюче гаилә"конкурсы үтте.Безнең мәктәптән Гафиятуллиннар гаиләсе катнашты.Ярыш  бик кызу һәм кызык булды.  Алар мактау кәгазьләре һәм бүләкләр белән бүләкләнделәр.Барыбызга да  спорт белән дус яшәргә насыйп итсен.

Бөтен гомерен балаларга биреп,

Таңнан төнге янып-көюче

Күктә янган якты кояш сыман,

Тирә-юньне нурга күмүче-укытучым.

Һәрбер сүзе, җылы күз карашы,

Бала күңеленең түренә үтүче,

Авырлыклар килсә, уртаклашып,

Сиздермичә ярдәм итүче- укытучым

Кирәк чакта бераз кырыс булып,

Тыныч кына җавап бирүче,

Белем дөньясының баскычларын

Синең белән бергә үтүче-укытучым

Мәдинә Минвалеевна ! Сезне чын күңелебездән олы юбилеегыз белән котлыйбыз .Сез һәрчак укучыларга яхшылык кына эшләдегез,нинди булуыбызга карамастан ,безне якын күрдегез,гел җиңүгә рухландырып тордыгыз. Безгә кылган изгелекләрегезнең әҗерен күрергә насыйп булсын.

Сезгә җан тынычлыгы,күңел көрлеге,сәламәтлек,хәерле гомерләр телибез.

Тагын бик күп еллар мәктәп укучыларын шатландырып,тормышыбызны тулыландырып ,күп-күп уңышларга ирешеп матур гомер итәргә һәм эшләргә язсын. Без  Сезне нык хөрмәт итәбез һәм яратабыз.  Хөрмәт белән укучылар һәм укытучылар.

Бүген мәктәптә  "Әти,әни һәм мин-спорт сөюче гаилә"исемле күркәм бәйрәм булып үтте. Чарада Гайнуллиннар гаиләсе һәм Сиразевлар гаиләсе катнашты.

Сәламәт яшәү рәвешен алып бару-безнең төп бурычыбыз.Ярышта Сиразевлар гаиләсе җиңү яулады. Котлыйбыз!

19 нчы гыйнвар көнне "Ел сыйныф җитәкчесе-2017"конкурсының  муниципаль этабы үтте. Конкурстта чыннан да үз эшләренең осталары катнашты.Мәктәпнең беренче категорияле башлангыч сыйныф җитәкчесе ,Зайдуллина Фирдәвес Минәхтәм кызы "Киләчәккә педагогик караш" номинациясендә җиңүче булды. Чын күңелебездән котлыйбыз,киләчәктә уңышлар теләп калабыз!!!

Аксубай муниципаль районының 2нче номерлы мәктәбендә "Әнвәр Хәйринең икенче укулары"на багышланган  фәнни-гамәли конференциясе булып үтте. Конференциягә мәртәбәле кунаклар :АМРның башлыгы  Камил Камалович Гильманов,Р.И.Валиев- ТРның депутаты ,Г.А. Шарипова-ТРмәдәният министры урынбасары,Ф.ШХузин-тарихчы,"А.А. Халиков исемендәге археология институты "директоры урынбасары,Л.К. Тазиева-гарәп теле укытучысы,Х.Х. Вәлиәхмәтов-журналист,психология фәннәре кандидаты,ӘнвәрХәйринең гаиләсе килде. Конференция бай эчтәлеклеһәм һәркем өчен файдалы үтте. Укучыларга һәм укытучыларга секция утырышлары аеруча ошады."Язучының иҗат лабораториясе " секциясен безнең мәктәбебезнең югары категорияле татар теле һәм әдәбияты укытучысы -Камалова Зөлфирә Сәлихҗан кызы алып барды. 

Бүген башлангыч сыйныфлар тарафыннан оештырылган "Дуслар җыелган җирдә"исеме астында физик мөмкинлекләре чикле булган кунаклар өчен бәйрәм булып үтте.Чакырылган кунаклар:Гайнуллин Ринат,Сөләйманов Булат,Салахов Риназ,Илүзә Юнусова,Билалов Җәмил,Абрарова..,Хәмәтвәлиев Риназ. Укучылар төрле концерт номерлары әзерләделәр һәм аны матур,эчтәлекле итеп тамашачыга җиткерделәр.Гайнуллин Ринат  үзе чыгарган җырларын бүләк итте,җырга-моңга бай күңелле егет күңел кылларын тибрәтерлек итеп ,сыздырып гармунда уйнады.Бәйрәм бик күңелле һәм файдалы үтте.Җитәкчеләре:Зайдуллина Фирдәвес,Ахметзянова Гөлнур,Хәмәтвәлиева Тәнзилә. Мондый очрашулар  һәрдаим булып торсын.