Бүген мәктәп укучылары укытучылар белән берлектә "Ватан геройлары"н искә алып һәйкәлгә чәчәкләр куйдылар .Аяз күк йөзе,тынычлык бүләк итүче батырларыбызны һәрвакыт олылыйк. Батырлар истәлегенә 1 минутлык тынлык игълан ителде.

Бугенге сыйныф сәгатьләре инвалидлар декадасына карата үткәрелде. "Җылы җил боз эретә,җылы сүз җанны эретә"девизы астында һәр сыйныфта файдалы чаралар үтте.

Дүртенче декабрь көнне Аксубай мәдәният йортында "Туфан укулары"исемле икенче зональ конкурс үтте. Безнең мәктәпнең 9 нчы сыйныф укучылары ,Ханова Әдилә һәм Камалетдинов Динар ,"Х.Туфан  шигырьләрен сәнгатьле  сөйләү"," Х. Туфанга карата үзең иҗат иткән шигырь"номинацияләрендә 1нче урын яуладылар . 8нче сыйныф укучысы Җәләлтдинова Ләйсән "Х.Туфан иҗатына багышланган презентация"номинациясендә 1нче урын алды,ә Зәйдуллина Сөмбел "Х.Туфанга карата узең иҗат иткән шигырь" номинациясендә 3нче урын алды. Афәрин укучылар!!! Котлыйбыз!!!

Физик мөмкинлекләре чикләнгән кешеләр безнең арабызда да бар. Мәктәп укучылары Җәмил янына һәрвакыт барып,хәлләрен сорашып,рәхәтләнеп сөйләшеп , күңелен күтәреп кайталар. Буген дә 3 нче сыйныф укучылары Гөлнур Исмәгыйль кызы һәм педагог оештыручы Динә Якуп кызы белән Җәмилдә кунакта булып кайттылар.  Укучылар Җәмилгә җырлы-биюле концерт номерларын бүләк итеп Яңа елга чакыру тапшырдылар. Төрлебез төрле булсак та без барыбер  бергә!

3 нче декабрь-Билгесез солдат көне. Шул уңайдан китапханәдә күргәзмә булдырылды,мәктәп музеена экскурсия оештырылды.

Акция барышында мәктәптә төрле чаралар узды. Сәламәтлек дәресләре,түгәрәк өстәл,әлеге темага җитди сөйләшү,сораштыру .Өлкән сыйныфлар "СПИДка каршы "дип аталган махсус сайт белән таныштылар. Кирәкле һәм файдалы мәгълүмат тупладылар.

Әниләргә багышланган бәйрәм күтәренке рухта үтте . 8 нче сыйныф укучылары һәм сыйныф җитәкчесе әлеге чара өчен җаваплы булдылар. Һәр сыйныф тиешле дәрәҗәдә әзерләнгән иде.Нәфис сүз осталары да,биючеләр дә,җырчылар да сәхнәне балкытып ,нурландырып тордылар .Әниләр балаларының чыгышына куанып,шатланып тордылар Бәйрәмгә килгән һәр әни кәнагть булды.Соңыннан тәмле итеп чәй эчтеләр.Чарада катнашкан һәр сыйныф укучыларына һәм аларны әзерләүче сыйныф җитәкчеләренә рәхмәт белдерелде.

Бу көнне мәктәптә барлык сыйныфларда да "Дөрес туклану-сәламәтлек нигезе"исеме астында сыйныф сәгатьләре үтте. Укучылар ныклап әзерләнеп килгәннәр.Өлкән сыйныфлар башлангыч сыйныфлар өчен  файдалы һәм кызыклы презентацияләр төзеп килгәннәр . Уен алымнары кулланып кызыклыы викториналар үткәрелде. Әлеге чара һәркемгә файдага булды . Ә соңыннан 1-6 нчы сыйныфларга "Дөрес туклану программасы" исемле көндәлекләр тапшырылды.