Мәктәп бакчасында көзге эшләр дәвам итә. Бүген мәктәп коллективы бәрәңге уңышын җыйды.

Вак-вак итеп турап, яшь киленнәр
Табаларда сине биетә;
Кайнар боткаң ашап, эшчән ирләр
Тәннәренә җылы йөгертә.
 Күлмәгеңне салып, моңсуланып,
Кайнар шулпаларга төшәсең.
Мич кызуында алсуланып,
Учак көлләрендә пешәсең.
Тукай да бит сине җырга керткән,
Бабайлар да мактап сөйләгән;
Бер як та юк сине яратмаган,
Беркем дә юк сине сөймәгән.
Йодрык кадәрле.
Йомры гәүдәле,
Ак тәнле,
Ах, тәмле,
Бигрәк тәмле бәрәңге!

Халыкара укытучылар көнен уңаеннан район башлыгы А.В.Тыгин мөгәллимнәрне җыйды. Бәйрәмдә күп кенә укытучыларгы, мәктәп директорларына һәм җитәкчеләргә төрле номинацияләрдә бүләкләр тапшырылды. Алар арасында Күгеш мәктәбендә озак еллар математика фәнен укытучы Шәяхмәтова Сиринә Харис кызы да бар иде. Ул мәгариф өлкәсендә куйган фидакарь хезмәте һәм тырышлыгы өчен "Россия Федерациясенең гомуми белем бирү системасында мактаулы эшчесе" исеменә лаек булды һәм грамота белән бүләкләнде. Сиринә апаны чын күңелебездән котлыйбыз!

Бүген 5- 9 нчы сыйныф укучылары җәмгыять белеме фәненнән олимпиаданың мәктәп туры эшләрен башкардылар.

 Бүген мәктәптә балигъ булмаганнар эше буенча өлкән инспектор Саттарова Айсылу Нурмөхәммәт кызы булып китте. Очрашуда сүз балигъ булмаганнарың җинаять кылулары, яшүсмерләр арасында тәртипсезлек турында барды.Инспектор балаларны законнар белән таныштырды, административ хокук бозуларны ничек булдырмаска икәнлеге турында сөйләде. Соңыннан укучылар үзләрен кызыксындырган сораулар да бирә алды.