Бүген башлангыч сыйныфларга Укучының мәдәни көндәлеген тапшыру тантанасы булды. Башлангыч сыйныф укытучылары укучыларны мәдәни көндәлек, аның әһәмияте һәм эшләү тәртибе белән таныштырды. 

  15 нче сентябрь - Татарстан Варислары берлеге оешкан көн. Барлык варисларны бәйрәм белән котлыйбыз!  

Бүген мәктәбебездә терроризмга каршы көрәш көне уңаеннан мәдәният йорты хезмәткәрләре, авыл китапханәсе мөдире булып китте. Алар укучылар белән әңгәмәләр оештырдылар. буклетлар тараттылар.

Менә янә яңа уку елы башлана. 1 сентябрь безнең өчен ул - зур бәйрәм. Белем бәйрәме. Бу көнне меңләгән бала кулларына чәчәк бәйләмнәре тотып, мәктәп бусагаларыннан атлый. Дулкынландыргыч мизгелләр. Әгәр бу Белем дөньясына аяк баскансың икән, укырга, белем алырга, яңа һөнәрләр үзләштерергә кирәк. Белем дөньясына кергәч, анннан буш кул белән чыгу - ямьсез күренеш!

Кадерле укучылар!  Сезне Белем йортына баруыгызның беренче көне белән чын күңелдән котлыйбыз! Мондый бәхет дөньяда бар кешегә дә бирелмәгән! Сез бүген иң бәхетле балалар! Уку сезгә шатлык-бәхет китерсен, мәктәп тәмамлап олы юлга аяк баскан вакытта, сез аларны мең кат арттырырсыз һәм башкаларга да бүләк итә башларсыз. Алынган белемнәрдән сезнең йөзегез тагын да матуррак булып балкысын, дөньяда үзегезнең бәхетле булуыгызны тоегыз!

Хөрмәтле укытучылар!  Чын күңелдән Сезне Белем бәйрәме белән котлыйбыз! Укучыларыгызның алган белемнәрдән алсуланган елмаюлы йөзләре - ул Сезнең хезмәт җимеше. Бу уку елы Сезгә шатлыклы хәбәрләр генә алып килсен, Сезгә саулык-сәламәтлек, эшегездә зур уңышлар телибез!

Хөрмәтле ата-аналар!  1 сентябрь - ул сезнең өчен дә зур бәйрәм! Ниһаять, сезнең балаларыгыз да зур үстеләр, мәктәптә алар шәхес буларак формалаша башларлар, киләчәкнең зур кешеләре булачаклар. Киләчәкнең нинди булуы алардан бәйле булачак!  Шуңа күрә дә ата-аналар һәм укытучылар уку елы дәвамында бергә кул тотынышып атлыйк! Балалар зиһенле, акыллы, белемле һәм, әлбәттә, миһербанлы булып үссеннәр!

Бәйрәм белән сезне!

Бүген беренче педагогик киңәшмә булды. Анда узган уку елына йомгак ясалды, яңа 2016 - 2017 нче уку елына бурычлар куелды.

Август конференциясе уңаенна мәктәптә кунаклар булып китте. Алар Газиз Айдарский музее белән таныштылар, төрле дәресләрдән мастер - класс карадылар.

   Мәктәбебездә яңа уку елына әзерлек эшләре тәмамланып килә.  Укытучылар һәм мәктәп эшчәннәре көче белән мәктәптә ремонт эшләре алып барыла. Идәннәр, парталар буялды, сыйныф бүлмәләре һәм коридорлар чиста итеп юылды. Мәктәп янын да чисталыкта тотуга зур игътибар бирелә. Җәйге практиканы үтүче укучылар мәктәп янын җыештыруда зур ярдәм күрсәтәләр. Укучылар чәчәк түтәлләрен карыйлар, тирә яктагы чүпләрне җыялар. Мәктәп укучыларын каршы алырга әзер.